കണ്ണൂര്‍: എംഡിഎംഎയുമായി യുവതി ഉള്‍പ്പെടെ മൂന്നംഗ സംഘം പിടിയില്‍. പയ്യന്നൂര്‍ പെരുമ്പ സ്വദേശി ഷഹബാസ് (30) എടാട്ട് സ്വദേശിയായ ഷിജിനാസ് (34) തുരുത്തി സ്വദേശിനിയായ പ്രജിത (30) എന്നിവരാണ് പിടിയിലായത്. കെഎല്‍- 59 ഡബ്ല്യു 2955 നമ്പര്‍ കാറിൽ ഇവര്‍ എംഡിഎംഎ വില്‍പ്പന നടത്തുന്നത് നൈറ്റ് പട്രോളിങ്ങിനിടെ പോലീസ് സംഘം കണ്ടെത്തിയിരുന്നു.
ബുധനാഴ്ച്ചപുലര്‍ച്ചെ പയ്യന്നൂര്‍ സബ്ബ് ഇന്‍സ്പെക്ടര്‍ പി യദുകൃഷണന്‍, ഗ്രേഡ് സബ്ബ് ഇന്‍സ്പെക്ടര്‍ ഹേമന്ത് കുമാര്‍, സീനിയര്‍ സിവില്‍ പൊലീസ് ഓഫീസര്‍ മുകേഷ് കല്ലേന്‍, ഷംസുദീന്‍ എന്നിവരടങ്ങിയ പൊലീസ് സംഘമാണ് ഇവരെ പിടികൂടിയത്. ഇവരില്‍ നിന്നും 10.265 ഗ്രാം എംഡിഎംഎ പിടിച്ചെടുത്തു.
മൂന്ന് പേരെയും ദേഹപരിശോധന നടത്തിയും കാറിന്റെ ഡാഷ്ബോര്‍ഡില്‍ നിന്നുമാണ് എംഡിഎംഎ കണ്ടെടുത്തത്. ദേശീയ പാതയോരത്ത് നിര്‍ത്തിയിട്ടിരിക്കുകയായിരുന്ന കാര്‍ സംശയം തോന്നിയാണ് പൊലീസ് പരിശോധന നടത്തിയത്.
Post Your Comments