ബലാത്സംഗക്കുറ്റവാളികൾക്ക് ലോകത്തെ വിവിധ രാജ്യങ്ങളിൽ നൽകുന്നത് കഠിന ശിക്ഷകൾ : പരിശോധിക്കാം ചില കർശന നിയമങ്ങൾ 

മുംബൈ : ഇന്ത്യയിലെ വിവിധ സംസ്ഥാനങ്ങളിലായി തുടർച്ചയായി ധാരാളം ബലാത്സംഗ കേസുകൾ പുറത്തുവരുന്നുണ്ട്. ഈ സാഹചര്യത്തിൽ ബലാത്സംഗ കുറ്റകൃത്യത്തിനെതിരെ ഇന്ത്യൻ സർക്കാർ കർശന നിയമങ്ങൾ കൊണ്ടുവന്നിട്ടുണ്ട്. ഇതുപ്രകാരം പ്രതികൾക്ക് നിയമപ്രകാരമുള്ള ശിക്ഷകൾ ലഭിക്കും. എന്നാൽ ലോകത്തിലെ വിവിധ രാജ്യങ്ങളിൽ ബലാത്സംഗ കേസുകളിൽ കുറ്റവാളികൾക്ക് എന്ത് ശിക്ഷയാണ് ലഭിക്കുന്നതെന്ന് ഒന്ന് പരിശോധിക്കാം.

ഇന്ത്യയിലെ സെക്ഷൻ 64 അനുസരിച്ച് ഒരു വ്യക്തി ബലാത്സംഗ കേസിൽ കുറ്റക്കാരനാണെന്ന് കണ്ടെത്തിയാൽ അയാൾക്ക് 10 വർഷം മുതൽ ജീവപര്യന്തം തടവ് വരെ തടവോ പിഴയോ ലഭിക്കാം. അതേസമയം പ്രായപൂർത്തിയാകാത്ത പെൺകുട്ടിയെ ബലാത്സംഗം ചെയ്താൽ കർശനമായ ശിക്ഷ നൽകുന്നതിനുള്ള വ്യവസ്ഥയുണ്ട്, അതായത് പോക്സോ എന്നാണ് ഈ നിയമത്തിൻ്റെ പേര്. ഇത്തരം കേസുകളിൽ 16 വയസ്സിന് താഴെയുള്ള കുട്ടികളെ ബലാത്സംഗം ചെയ്യുന്നവർക്ക് ജീവപര്യന്തം തടവ് മുതൽ 20 വർഷം വരെ തടവ് ശിക്ഷ ലഭിക്കും. പ്രായപൂർത്തിയാകാത്ത ഇരകളുടെ മരണത്തിൽ വധശിക്ഷയും നൽകാവുന്നതാണ്.

യുഎസ്എ– പിഴ മുതൽ ജീവപര്യന്തം തടവ് വരെ ശിക്ഷ ലഭിക്കാം.

ചൈന – വധശിക്ഷ അല്ലെങ്കിൽ പല കേസുകളിലും വന്ധ്യംകരണം.

നെതർലാൻഡ്‌സ് – 4 മുതൽ 15 വർഷം വരെ തടവ്.

റഷ്യ – 30 വർഷം വരെ തടവ്.

ഇറാഖ് – കല്ലെറിഞ്ഞു കൊല്ലാനുള്ള ശിക്ഷ.

ഉത്തരകൊറിയ – വെടിവച്ചുള്ള വധശിക്ഷ.

പാകിസ്ഥാൻ – വധശിക്ഷ അല്ലെങ്കിൽ കഠിന തടവ്

സൗദി അറേബ്യ – വധശിക്ഷ.

സ്വിറ്റ്സർലൻഡ് – 10 വർഷം വരെ തടവ്.

ഫ്രാൻസ് – 15 വർഷം തടവ് മുതൽ ജീവപര്യന്തം തടവ് വരെ ശിക്ഷ ലഭിക്കാം.

ഇസ്രായേൽ – 16 വർഷം വരെ തടവ്.

ജപ്പാൻ – 20 വർഷം തടവ് മുതൽ വധശിക്ഷ വരെ ശിക്ഷ ലഭിക്കാം.

പ്രായപൂർത്തിയാകാത്ത പെൺകുട്ടികളെ ലൈംഗികാതിക്രമങ്ങളിൽ നിന്ന് സംരക്ഷിക്കുന്നതിനായി 2012-ൽ ഇന്ത്യയിൽ പോക്സോ നിയമം നിലവിൽ വന്നത്. ഈ നിയമത്തിന്റെ മുഴുവൻ പേര് ലൈംഗിക കുറ്റകൃത്യങ്ങളിൽ നിന്നുള്ള കുട്ടികളുടെ സംരക്ഷണ നിയമം എന്നാണ്. ഈ നിയമപ്രകാരം 18 വയസ്സിന് താഴെയുള്ള ആൺകുട്ടിയെയോ പെൺകുട്ടിയെയോ പ്രായപൂർത്തിയാകാത്തവരായി കണക്കാക്കുന്നു.

ഈ കുട്ടികൾക്കെതിരെ മോശം പ്രവൃത്തികൾ ചെയ്യുന്നവർക്കെതിരെ കർശനമായ ശിക്ഷ നൽകുന്നതിനുള്ള വ്യവസ്ഥയും ഉണ്ട്. നിയമപ്രകാരം, കുറ്റവാളികൾക്ക് 20 വർഷം വരെ തടവും പിഴയും ലഭിക്കാം. ഗുരുതരമായ കേസുകളിൽ കുറ്റവാളിക്ക് വധശിക്ഷ പോലും ലഭിക്കാം.