ഡല്‍ഹിയില്‍ ആം ആദ്മിക്ക് സീറ്റുകള്‍ നഷ്ടപ്പെടും; ബിജെപി മുന്നേറ്റമുണ്ടാക്കും: സര്‍വേ ഫലം പുറത്ത്

ന്യൂഡല്‍ഹി: ഡല്‍ഹി നിയമസഭ തെരഞ്ഞെടുപ്പില്‍ ബി.ജെ.പി നേട്ടമുണ്ടാക്കുമെന്ന് ന്യൂസ് എക്‌സ്-പോള്‍സ്ട്രാറ്റ് അഭിപ്രായ സര്‍വെ ഫലം പുറത്ത്. അതേസമയം അരവിന്ദ് കെജ്രിവാളിന്റെ നേതൃത്വത്തില്‍ ആം ആദ്മി പാര്‍ട്ടി വീണ്ടും അധികാരത്തിലെത്തുമെന്നും സർവേ ഫലം സൂചിപ്പിക്കുന്നു.എന്നാല്‍ 2015ല്‍ നേടിയ ചില സീറ്റുകള്‍ ഇപ്രാവശ്യം ആം ആദ്മി പാര്‍ട്ടിക്ക് നഷ്ടപ്പെടുമെന്നും സര്‍വെയില്‍ പ്രവചിക്കുന്നു.

കഴിഞ്ഞ പ്രാവശ്യം 70ല്‍ 67 സീറ്റുകളും നേടിയാണ് ആം ആദ്മി പാര്‍ട്ടി അധികാരത്തിലെത്തിയത്. 70 അംഗ നിയമസഭയില്‍ 53 മുതല്‍ 56 വരെ സീറ്റുകള്‍ നേടിയാണ് അധികാരത്തിയേക്കാം എന്ന് സർവേ പറയുന്നു. അതേസമയം ബി.ജെ.പിക്ക് കഴിഞ്ഞ തവണത്തേക്കാള്‍ മുന്നേറ്റം നടത്താനാകും. കഴിഞ്ഞ തിരഞ്ഞെടുപ്പില്‍ ബി.ജെ.പിക്ക് നേടിയത് വെറും മൂന്ന് സീറ്റുകളായിരുന്നു,​ ഇപ്രാവശ്യം ഇത് 12 മുതല്‍ 15 വരെ ലഭിക്കുമെന്നാണ് പ്രവചനം.

സിഎഎ വിരുദ്ധ പ്രക്ഷോഭം: പോപ്പുലർ ഫ്രണ്ടിൽ നിന്നും പണം വാങ്ങിയെന്ന വാർത്തയിൽ പ്രതികരണവുമായി കപില്‍ സിബലും ഇന്ദിര ജെയ്‌സിങ്ങും

കൂടാതെ കോണ്‍ഗ്രസ് 2 മുതല്‍ നാല് വരെ സീറ്റുകള്‍ നേടും. 48.56 ശതമാനം വോട്ട് ആംആദ്മി പാര്‍ട്ടിക്ക് ലഭിക്കുമ്പോള്‍ 31 ശതമാനം വോട്ടാണ് ബി.ജെ.പിക്ക് ലഭിക്കുകയെന്നും സർവേ പറയുന്നു .എന്നാൽ ഈ സർവേയുടെ ആധികാരികത എത്രത്തോളമുണ്ടെന്ന് വ്യക്തമല്ല..