രാഹുല്‍ ഗാന്ധിക്ക് ഓര്‍മ്മപ്പൂക്കള്‍ അര്‍പ്പിച്ച മുൻ വിദ്യാഭ്യാസ മന്ത്രി പി കെ അബ്ദു റബ്ബിന് ഫേസ്ബുക്കിൽ പൊങ്കാല

തിരുവനന്തപുരം : വയനാട് എംപി രാഹുല്‍ ഗാന്ധിയ്ക്ക് ഫേസ്ബുക്കില്‍ ഓർമപ്പൂക്കൾ അർപ്പിച്ച് മുന്‍ വിദ്യാഭ്യാസ മന്ത്രിയും മുസ്ലീം ലീഗ് നേതാവുമായ പി.കെ അബ്ദു റബ്ബ്. മുന്‍ പ്രധാനമന്ത്രി രാജീവ് ഗാന്ധിയുടെ ഓര്‍മ്മ ദിനത്തിലിട്ട ഫേസ്ബുക്ക് പോസ്റ്റിലാണ് അബ്ദു റബ്ബിന് അബദ്ധം പറ്റിയത്.

Read Also : രേഖകള്‍ പരിശോധിക്കാതെ മൃതദേഹം മാറി നല്‍കിയതായി പരാതി ; ആളുമാറി സംസ്കാരവും നടത്തി 

”ഇന്ത്യയുടെ സമഗ്ര മേഖലകളിലും പുരോഗതിയുടെ വിസ്‌ഫോടനം തീര്‍ത്ത, സ്വജീവന്‍ തന്നെ രാജ്യത്തിനു സമര്‍പ്പിച്ച ശ്രീ രാഹുല്‍ ഗാന്ധിക്ക് ഓര്‍മ്മപ്പൂക്കള്‍” എന്നാണ് അബ്ദു റബ്ബ് പോസ്റ്റ് ചെയ്തത്. തുടര്‍ന്ന് ഈ പോസ്റ്റ് വൈറലാകുകയും ട്രോളുകള്‍ ഇറങ്ങുകയും ചെയ്തതോടെയാണ് അദേഹത്തിന് അബദ്ധം മനസിലായത്. തുടര്‍ന്ന് പോസ്റ്റ് എഡിറ്റ് ചെയ്ത് തെറ്റ് തിരുത്തി. എന്നിട്ടും എഡിറ്റ് ഹിസ്റ്ററി വെച്ച്‌ ട്രോള്‍ തുടങ്ങിയതോടെ അബ്ദു റബ്ബ് പോസ്റ്റ് മുക്കുകയും പുതിയ പോസ്റ്റ് ഇടുകയുമായിരുന്നു.

https://www.facebook.com/PK.Abdu.Rabb/posts/4555809951098958?__cft__[0]=AZUh4Tv_QvCcAxRqgC51iKUCqsiCV_QLxcJChCStS6SJf_Md1kyKfGxR70N2cu4XTnLUu22wH-Ggt_QHpnF_nHXe3Spk4CvNIdTq7BTlbWECPpO4IcJc5o3obWQnbAPIDg-pBEaWFfvkmyRXIRIYfy2y&__tn__=%2CO%2CP-R

രാജ്യത്തെ ഏറ്റവും പ്രായം കുറഞ്ഞ പ്രധാനമന്ത്രിയെന്ന വിശേഷണത്തിനുടമയായ രാജീവ് ഗാന്ധി 47ാം വയസ്സിലാണ് വധിക്കപ്പെട്ടത്. 1991 മെയ് 21ന് രാത്രി പത്തരയോടെ തമിഴ്‌നാട്ടിലെ ശ്രീപെരുമ്ബത്തൂരില്‍ തെരഞ്ഞെടുപ്പ് പ്രചാരണ യോഗത്തില്‍ സംബന്ധിക്കാനെത്തിയ രാജീവിനെ എല്‍.ടി.ടി.ഇ സംഘം ചാവേര്‍ സ്‌ഫോടനത്തിലൂടെ വധിക്കുകയായിരുന്നു.