സംസ്ഥാനത്ത് ഇന്ന് പത്ത് പേര്‍ പനി ബാധിച്ചു മരിച്ചു

 

തിരുവനന്തപുരം : സംസ്ഥാനത്ത് ഇന്ന് പത്ത് പേര്‍ പനി ബാധിച്ചു മരിച്ചു. തിരുവനന്തപുരം ജില്ലയിൽ രണ്ടു പേരാണ് ഡെങ്കിപ്പനി പിടിപെട്ടു മരിച്ചത്. വെള്ളായണി സ്വദേശികളായ സജയകുമാർ-സിന്ധു ദമ്പതികളുടെ ഏക മകൻ അമൽകൃഷ്ണ (11), എയർഫോഴ്സിലെ സാർജന്‍റ് യുപി സ്വദേശി ഗൗരീശങ്കർ കണ്‍പാൽ (47) എന്നിവരാണു മരിച്ചത്.

എറണാകുളം മഞ്ഞപ്പാറ സ്വദേശി ടെസി വർഗീസ് (44), കോഴിക്കോട് സ്വദേശി ലിഷ (34) എന്നിവർ എച്ച്1 എൻ 1 ബാധിച്ചും മരിച്ചു. കൊല്ലം നടുംബന സ്വദേശി സുലേഖ (55) എച്ച് 1 എൻ1 ലക്ഷണങ്ങളുമായി ചികിത്സയിൽ കഴിയവെയാണു മരിച്ചത്. കൊല്ലം പാലത്തറ സ്വദേശി തങ്കമണി (59), കോട്ടയം നാട്ടകം സ്വദേശി ഗോകുൽ 21) എന്നിവർ പനി പിടിപെട്ടു മരിച്ചു.