ഒരു പൂ​ജ്യം കാരണം റി​യ പി​ള്ള​യ്ക്കു ന​ഷ്ടം 90 ല​ക്ഷം രൂ​പ

മും​ബൈ: ഒരു പൂ​ജ്യം കാരണം റി​യ പി​ള്ള​യ്ക്കു ന​ഷ്ടമായത് 90 ല​ക്ഷം രൂ​പ. വ​ർ​ഷ​ങ്ങ​ളു​ടെ നി​യ​മ​പോ​രാ​ട്ട​ത്തി​നു​ശേ​ഷം കോ​ട​തി​യി​ൽ പൂ​ജ്യം ഒ​ഴി​വാ​യ​പ്പോഴാണ് ഇത്രയും വലിയ നഷ്ടമുണ്ടായത്.

2014 ൽ ​ഒ​രു വിവാഹമോചന വേളയിൽ ടെ​ന്നീ​സ് താ​രം ലി​യാ​ൻ​ഡ​ർ പേ​സിൽ നിന്നും റിയ പിള്ള ആവശ്യപ്പെട്ടത് ​ഒ​രു കോ​ടി രൂ​പയായിരുന്നു. ഇതിനായി കോ​ട​തി​യി​ൽ ഹ​ർ​ജി ന​ൽ​കി​യി​രു​ന്നു. പീ​ഡ​ന​ത്തി​ന് ഒ​രു കോ​ടി രൂ​പ ന​ഷ്ട​പ​രി​ഹാ​രം ന​ൽ​ക​ണ​മെന്നായിരുന്നു ആവശ്യം. പക്ഷേ ഇതു കോടതിയിൽ സമർപ്പിച്ച വക്കീലിനു സംഭവിച്ച പിഴവാണ് 90 ലക്ഷം നഷ്ടമാകാനുള്ള കാരണം. ഒ​രു പൂ​ജ്യം ചേ​ർ​ക്കാ​ൻ വ​ക്കീ​ൽ വിട്ടു പോയി. അങ്ങനെ ഒ​രു കോ​ടി രൂ​പ പത്തു ലക്ഷം രൂപയായി പരിണമിച്ചു.

ക​ഴി​ഞ്ഞ​ദി​വ​സം വാ​ദം കേ​ട്ട​പ്പോ​ൾ ന​ഷ്ട​പ​രി​ഹാ​രം 10 ല​ക്ഷം രൂപയെന്ന വാദം വക്കീലിനെയും റിയയും അമ്പരിപ്പിച്ചു. അപ്പോഴാണ് വിലപ്പെട്ട പൂജ്യം വിട്ടു പോയ വിവരം മനസിലായത്. സംഭവം ശ്രദ്ധയിൽപ്പെട്ട അ​ഭി​ഭാ​ഷ​ക​രാ​യ ഗു​ഞ്ജ​ൻ മം​ഗ​ള​യും അം​ന ഉ​സ്മാ​നും ആ​വ​ശ്യ​പ്പെ​ട്ട തു​ക​യി​ൽ ഒ​രു പൂ​ജ്യം എ​ഴു​താ​ൻ മ​റ​ന്നു പോ​യ​താ​യി ജ​ഡ്ജി മ​ഹേ​ഷ് ജ​ത് മ​ലാ​നി​യെ അറിയിച്ചു. കോ​ട​തി​യു​ടെ അ​ന്വേ​ഷ​ണ​ത്തി​ൽ റി​യ പി​ള്ള​ക്ക് ഒ​രു കോ​ടി​യു​ടെ ന​ഷ്ട​പ​രി​ഹാ​രം ക​ണ​ക്കാ​ക്കി​യി​രു​ന്നു. എ​ന്താ​യാ​ലും ഒ​രു പൂ​ജ്യം എ​ഴു​തി ചേ​ർ​ക്കാ​ൻ വി​ട്ടു​പോ​യ​താ​ണെ​ന്ന് കാ​ട്ടി അ​ഭി​ഭാ​ഷ​ക​ർ ബാ​ന്ദ്ര മ​ജി​സ്ട്രേ​റ്റ് കോ​ട​തി​യെ സ​മീ​പി​ച്ചി​ട്ടു​ണ്ട്.

കു​ട്ടി​യു​ടെ ആ​വ​ശ്യ​ങ്ങ​ൾ സാ​ധി​ച്ചു കൊ​ടു​ക്കു​ന്ന​തി​ൽ പേ​സ് പ​രാ​ജ​യ​പ്പെ​ട്ടു​വെ​ന്നു ചൂ​ണ്ടി​ക്കാ​ട്ടി​യാ​ണ് റി​യ ഹ​ർ​ജി ന​ൽ​കി​യി​രി​ക്കു​ന്ന​ത്. 2010ൽ ​സ്കൂ​ളി​ൽ ചേ​ർ​ത്ത കു​ട്ടി​യു​ടെ ഫീ​സും കാ​ര്യ​ങ്ങ​ളും 2013 മു​ത​ലാ​ണ് പേ​സ് വ​ഹി​ച്ചു തു​ട​ങ്ങി​യ​തെ​ന്നും ജ​നി​ച്ച​പ്പോ​ൾ മു​ത​ൽ അ​തു​വ​രെ​യു​ള്ള കു​ട്ടി​യു​ടെ ചി​ല​വു​ക​ൾ താ​ൻ ഒ​റ്റ​യ്ക്കാ​ണു വ​ഹി​ച്ച​തെ​ന്നും ഇ​വ​ർ പ​റ​യു​ന്നു. കു​ട്ടി​യെ മാ​ന​സി​ക​മാ​യും സാ​മ്പ​ത്തി​ക​മാ​യും പി​ന്തു​ണ​യ്ക്കാ​ൻ പേ​സ് പ​രാ​ജ​യ​പ്പെ​ട്ടു​വ​ന്നും ഇ​വ​ർ ആ​രോ​പി​ക്കു​ന്നു. ആ​കെ 1.43 കോ​ടി രൂ​പ​യാ​ണ് റി​യ പി​ള്ള പേ​സി​ൽ നി​ന്നും ആ​വ​ശ്യ​പ്പെ​ട്ടാണ് ഹ​ർ​ജി ന​ൽ​കിയിരിക്കുന്നത്.