KeralaLatest News

സ്‌കൂളിനു സമീപം നഗ്‌നതാ പ്രദര്‍ശനം നടത്തിയ യുവാവ് പിടിയില്‍

പാലാ: സ്‌കൂള്‍ വിദ്യാര്‍ത്ഥിനികള്‍ക്കു മുന്നില്‍ നഗ്‌നത പ്രദര്‍ശിപ്പിച്ചുവെന്ന പരാതിയില്‍ യുവാവിനെ പോലീസ് പിടികൂടി. ഈരാറ്റുപേട്ട ചെമ്പുകാംപറമ്പില്‍ മാഹിന്‍ (34) എന്ന യുവാവിനെയാണ് പാലാ പോലീസ് പിടികൂടിയത്.

കഴിഞ്ഞ ദിവസം വൈകിട്ടു നാലരയോടെ ളാലം കുരിശുപള്ളി റൂട്ടിലൂടെ സ്‌കൂള്‍ വിട്ടു വീട്ടിലേയ്ക്ക് മടങ്ങുകയായിരുന്ന വിദ്യാര്‍ത്ഥിനികള്‍ക്കു മുന്നിലാണ് ഇയാള്‍ നഗ്‌നത പ്രദര്‍ശിപ്പിച്ചത്. സ്വകാര്യ ഓട്ടോറിക്ഷായില്‍ എത്തുന്ന ഇയാള്‍ പിന്‍സീറ്റിലിരുന്നായിരുന്നു നഗ്‌നതാ പ്രദര്‍ശനം നടത്തിയിരുന്നത്. ഇതേത്തുടര്‍ന്നു ഇതുവഴി കടന്നു പോയ ചില വിദ്യാര്‍ത്ഥിനികള്‍ സമീപത്തെ കടയില്‍ ചെന്ന് ഫോണില്‍ വിവരം പോലീസില്‍ അറിയിക്കുകയായിരുന്നു.

തുടര്‍ന്ന് ഇന്നലെ രാവിലെ വിദ്യാര്‍ത്ഥിനികള്‍ സംഭവത്തെക്കുറിച്ച് പ്രിന്‍സിപ്പലിനോട് പരാതിപ്പെട്ടു. പ്രിന്‍സിപ്പലും പി ടി എ ഭാരവാഹികളും നടത്തിയ അന്വേഷണത്തില്‍ ഏതാനും നാളുകളായി സ്ഥിരം നഗ്‌നതാ പ്രദര്‍ശനം നടത്തി വരുന്നതായി കണ്ടെത്തി. ഇതിന്റെ അടിസ്ഥാനത്തില്‍ സ്‌കൂള്‍ അധികൃതരും പോലീസില്‍ പരാതി നല്‍കി. തുടര്‍ന്നാണ് പോലിസ് പ്രതിയെ പിടികൂടിയത്.

സംഭവം പോലീസില്‍ അറിയിച്ച വിദ്യാര്‍ത്ഥിനികളെയും നടപടി സ്വീകരിച്ച പാലാ സി ഐ രാജന്‍ കെ. അരമനയെയും സെന്റ് മേരീസ് ഹയര്‍സെക്കന്ററി സ്‌കൂള്‍ പിടിഎ കമ്മിറ്റി അനുമോദിച്ചു.

പി ടി എ പ്രസിഡന്റ് സെബി പറമുണ്ട അദ്ധ്യക്ഷത വഹിച്ചു. സ്‌കൂള്‍ പ്രിന്‍സിപ്പല്‍ സിസ്റ്റര്‍ റാണി ഞാവള്ളി, ഹെഡ്മിസ്ട്രസ് സിസ്റ്റര്‍ റെയ്‌ന ജോസ്, പി ടി എ വൈസ് പ്രസിഡന്റ് എബി ജെ. ജോസ്, അധ്യാപകരായ എ.ജെ. ദേവസ്യാ, ജോസഫ് വിശാഖ്, നിര്‍മ്മല മാത്യു, ലൈസമ്മ തോമസ് എന്നിവര്‍ പ്രസംഗിച്ചു.

Tags

Post Your Comments

Related Articles


Close
Close