Latest NewsHealth & Fitness

ഉറക്കക്കുറവുണ്ടോ? എങ്കില്‍ ശ്രദ്ധിക്കണേ…

രാത്രിയില്‍ ശരിക്ക് ഉറങ്ങാറില്ലേ… ജോലിസംബന്ധമായോ അലല്ലാതെയോ രാത്രിയില്‍ ഉറങ്ങാതിരിക്കുന്നവരാണ് നിങ്ങളെങ്കില്‍ ശ്രദ്ധിക്കണം. ഉറക്കം ശരിയായില്ലെങ്കില്‍ അത് ശരീരത്തെ അതിഗുരുതരമായി ബാധിക്കുമെന്നാണ് പുതിയ പഠനങ്ങള്‍ തെളിയിക്കുന്നത്. ഉറക്കക്കുറവ് ഡിഎന്‍എയെ ബാധിക്കുമെന്നും ക്രമേണെ അത് ഡിഎന്‍എ നാശത്തിന് കാരണമാകുമെന്നുമാണ് ചൈനയിലെ ഡോക്ടര്‍മാര്‍ നടത്തിയ പഠനത്തില്‍ പറയുന്നത്.രാത്രി ജോലി ചെയ്യുന്നവരും അല്ലാത്തവരുമായ 49 ഡോക്ടര്‍മാരില്‍ നടത്തിയ പഠനത്തിലാണ് ഈ കണ്ടെത്തല്‍.

രാത്രിജോലിചെയ്യുന്നവരുടെ രക്തം പരിശോധിച്ചപ്പോള്‍ ഡിഎന്‍എ തകരാര്‍ തീര്‍ക്കുന്ന ജീനുകളുടെ ഉത്പാദനം കുറവാണെന്ന് കണ്ടെത്തി. മാത്രമല്ല, ഇത്തരക്കാരില്‍ ജീന്‍നാശവും കൂടുതലാണ്, ഉറക്കക്കുറവാണ് ഇതിന്റെ പ്രധാനകാരണമായി ഗവേഷകര്‍ കണ്ടെത്തിയത്. അര്‍ബുദം, ഹൃദയസംബന്ധമായ രോഗങ്ങള്‍ എന്നിവ വരാനുള്ള സാധ്യതയും ഇത്തരക്കാരില്‍ കൂടുതലാണെന്ന് പഠനത്തിന് നേതൃത്വം നല്‍കിയ സ്യൂ-വായ് ചോ പറഞ്ഞു.

shortlink

Related Articles

Post Your Comments

Related Articles


Back to top button