കൊൽക്കത്ത സിറ്റി കമ്മീഷണർ രാ​ജീ​വ് കു​മാറിനു സ്ഥലം മാറ്റം നൽകി സംസ്ഥാന സർക്കാർ

കോ​ല്‍​ക്ക​ത്ത: ശാ​ര​ദ, റോ​സ് വാ​ലി ത​ട്ടി​പ്പു​ക​ളു​മാ​യി ബ​ന്ധ​പ്പെ​ട്ട് സി​ബി​ഐ ചോ​ദ്യം ചെ​യ്ത കോ​ല്‍​ക്ക​ത്ത പോ​ലീ​സ് ക​മ്മീ​ഷ​ണ​ര്‍ രാ​ജീ​വ് കു​മാ​റി​നെ സ​ര്‍​ക്കാ​ര്‍ സ്ഥ​ലം​മാ​റ്റി. ക്രൈം ​ഇ​ന്‍​വെ​സ്റ്റി​ഗേ​ഷ​ന്‍ ഡി​പ്പാ​ര്‍​ട്ട്മെ​ന്‍റ് അ​ഡീ​ഷ​ണ​ല്‍ ഡ​യ​റ​ക്ട​ര്‍ ജ​ന​റ​ലാ​യാ​ണു സ്ഥ​ലം​മാ​റ്റം. അ​തേ​സ​മ​യം, തെ​ര​ഞ്ഞെ​ടു​പ്പ് മു​ന്നി​ല്‍​ക്ക​ണ്ടാ​ണ് സ്ഥ​ലം​മാ​റ്റ​മെ​ന്നും റി​പ്പോ​ര്‍​ട്ടു​ക​ളു​ണ്ട്. അ​ഞ്ചു ദി​വ​സ​ത്തെ സി​ബി​ഐ ചോ​ദ്യം ചെ​യ്യ​ലി​നു​ശേ​ഷം ക​ഴി​ഞ്ഞ ദി​വ​സ​മാ​ണ് രാ​ജീ​വ് കു​മാ​ര്‍ മ​ട​ങ്ങി​യെ​ത്തി​യ​ത്.

ആ​ദ്യം അ​ന്വേ​ഷ​ണ സം​ഘ​ത്തി​നു മു​ന്നി​ല്‍ ഹാ​ജ​രാ​കാ​ന്‍ വി​സ​മ്മ​തി​ച്ച രാ​ജീ​വ് കു​മാ​ര്‍, പി​ന്നീ​ട് സു​പ്രീം കോ​ട​തി വി​ധി​യു​ടെ അ​ടി​സ്ഥാ​ന​ത്തി​ലാ​ണ് ചോ​ദ്യം​ചെ​യ്യ​ലി​നു വി​ധേ​യ​നാ​കാ​ന്‍ ത​യാ​റാ​യ​ത്. ചോ​ദ്യം ചെ​യ്യ​ലി​നി​ടെ രാ​ജീ​വി​നെ അ​റ​സ്റ്റ് ചെ​യ്യ​രു​തെ​ന്നു സു​പ്രീം കോ​ട​തി സി​ബി​ഐ​ക്കു നി​ര്‍​ദേ​ശം ന​ല്‍​കി​യി​രു​ന്നു.മൂ​ന്നു വ​ര്‍​ഷ​മാ​യി രാ​ജീ​വ് കു​മാ​റാ​ണ് കോ​ല്‍​ക്ക​ത്ത പോ​ലീ​സ് ക​മ്മീ​ഷ​ണ​ര്‍ പ​ദ​വി വ​ഹി​ച്ചി​രു​ന്ന​ത്. 1991 ബാ​ച്ച്‌ ഐ​പി​എ​സ് ഉ​ദ്യോ​ഗ​സ്ഥ​നാ​യ അ​നു​ജ് ശ​ര്‍​മ​യാ​ണ് രാ​ജീ​വ് കു​മാ​റി​നു പ​ക​ര​ക്കാ​ര​ന്‍. നേ​ര​ത്തെ, ഇ​ദ്ദേ​ഹം ക്ര​മ​സ​മാ​ധാ​ന ചു​മ​ത​ല​യു​ള്ള എ​ഡി​ജി​പി​യാ​യി​രു​ന്നു.

ശാ​ര​ദ ചി​ട്ടി​ത്ത​ട്ടി​പ്പു​മാ​യ ബ​ന്ധ​പ്പെ​ട്ട പ്ര​ത്യേ​ക അ​ന്വേ​ഷ​ണ സം​ഘ​ത്തി​ന്‍റെ ത​ല​വ​നാ​യി​രു​ന്നു രാ​ജീ​വ് കു​മാ​ര്‍. 2013-ല്‍ ​ആ​ണ് രാ​ജീ​വ് കു​മാ​റി​നെ സം​ഘ​ത്തി​ന്‍റെ ത​ല​വ​നാ​യി നി​യ​മി​ക്കു​ന്ന​ത്. കേ​സി​ല്‍ കാ​ണാ​താ​യ രേ​ഖ​ക​ളേ​യും ഫ​യ​ലു​ക​ളേ​യും സം​ബ​ന്ധി​ച്ച്‌ ചോ​ദി​ച്ച​റി​യു​വാ​ന്‍ സി​ബി​ഐ രാജീവ് കു​മാ​റി​ന് നോ​ട്ടീ​സ് അ​യ​ച്ചി​രു​ന്നെ​ങ്കി​ലും പ്ര​തി​ക​രി​ച്ചി​രു​ന്നി​ല്ല. ഇ​ദ്ദേ​ഹം കേ​സി​ല്‍ പ​ല​രേ​യും ര​ക്ഷി​ക്കു​ന്ന​തി​നാ​യി പ്ര​ധാ​ന​പ്പെ​ട്ട പ​ല വി​വ​ര​ങ്ങ​ളും ന​ഷ്ട​പ്പെ​ടു​ത്തു​ക​യോ ന​ശി​പ്പി​ക്കു​ക​യോ ചെ​യ്തെ​ന്നാ​ണ് സി​ബി​ഐ സം​ശ​യി​ക്കു​ന്ന​ത്.