പനാജി: ഗോവ മുഖ്യമന്ത്രി മനോഹര്‍ പരീക്കറുടെ ആരോഗ്യനില മെച്ചപ്പെട്ടുവെന്നും അദ്ദേഹം സുഖം പ്രാപിച്ചുവരുന്നതായും ആരോഗ്യ മന്ത്രി വി ശ്വജിത്ത് റാണെ. പനാജിയിലെ ഗോവ മെഡിക്കല്‍ കോളജില്‍ ഡോക്ടര്‍മാരുടെ നിരീക്ഷണത്തിലാണ് അദ്ദേഹം. ഇന്ന് അസ്വസ്ഥത പ്രകടിപ്പിച്ചതിനെ തുടര്‍ന്നാണ് ഡോക്ടര്‍മാരുടെ നിരീക്ഷണം നല്‍കിയതെന്നും ആരോഗ്യമന്ത്രി വ്യക്തമാക്കി.
മാധ്യമങ്ങളില്‍ അദ്ദേഹത്തിന്‍റെ ആരോഗ്യ സ്ഥിതിയെക്കുറിച്ച് തെറ്റായ വാര്‍ത്തകള്‍ പ്രചരിക്കുന്നുണ്ടെന്നും അദ്ദേഹം കൂട്ടിച്ചേര്‍ത്തു. കോണ്‍ഗ്രസ് എംഎല്‍എ ഫ്രാന്‍സിസ് സില്‍വേരിയയും ഇന്ന് ആശുപത്രിയില്‍ എത്തിയിരുന്നു. മുഖ്യമന്ത്രിയുടെ ആരോഗ്യ വിവരം തിരക്കാനാണ് ആശുപത്രിയില്‍ എത്തിയത് എന്നാല്‍ മുഖ്യമന്ത്രിയെ കാണാന‍് സാധിച്ചില്ലെന്നും എംഎല്‍എ അറിയിച്ചിരുന്നു.
Post Your Comments