തൃശൂര്‍: പുതിയ ചിത്രത്തില്‍ നിന്നും നടനും എം.പിയുമായ ഇന്നസെന്റ് പിന്‍മാറി. ലോക്സഭാ തെരഞ്ഞെടുപ്പില്‍ ചാലക്കുടി മണ്ഡലത്തില്‍വീണ്ടും സ്ഥാനാര്‍ഥിയാക്കാന്‍ സിപിഎം തീരുമാനിച്ച പശ്ചാത്തലത്തിലാണ് നടന്റെ ഈ തീരുമാനം. ജോഷി സംവിധാനം ചെയ്യുന്ന പുതിയ ചിത്രത്തില്‍നിന്നു തല്‍ക്കാലം മാറി നില്‍ക്കുകയാണെന്ന് ഇന്നസെന്റ് അറിയിച്ചു.
പാര്‍ട്ടി പറഞ്ഞാല്‍ മത്സരിക്കുമെന്ന് താന്‍ നേരത്തെയും വ്യക്തമാക്കിയതാണെന്ന് ഇന്നസെന്റ് പറഞ്ഞു. പുതിയ ആളുകള്‍ക്കു അവസരം കിട്ടാനായി മത്സര രംഗത്തുനിന്നു മാറിനില്‍ക്കാനാണ് ശ്രമിച്ചത്. ഇതാണ് നേരത്തെയും പറഞ്ഞിട്ടുള്ളത്. പാര്‍ട്ടി തീരുമാനമെടുത്താന്‍ ധിക്കരിക്കാനാവില്ല- ഇന്നസെന്റ് വ്യക്തമാക്കി.
പാര്‍ട്ടി ആവശ്യപ്പെട്ടിട്ടും സ്ഥാനാര്‍ഥിയാവാതെ മാറിനില്‍ക്കാനാവില്ല. അതു ജയിപ്പിച്ച പാര്‍ട്ടിയെ ധിക്കരിക്കലാവും. തീരുമാനം പാര്‍ട്ടി ഔദ്യോഗികമായി പ്രഖ്യാപിക്കാനിരിക്കുന്നതേയുള്ളൂ. അതിനു മുമ്പ് എതിര്‍പ്പും വിമര്‍ശനവുമൊക്കെയുണ്ടായത് കാര്യമാക്കുന്നില്ലെന്നും അദ്ദേഹം പറഞ്ഞു
Post Your Comments