മൂവാറ്റുപുഴ: ഏഴു ദിവസം പ്രായമുള്ള പെണ്കുഞ്ഞിനെ കൈമാറ്റം ചെയ്തതുമായി ബന്ധപ്പെട്ടു മാതാവടക്കം മൂന്ന് പേർ അറസ്റ്റിൽ. നിര്ധന യുവതിയുടെ അഞ്ചാമത്തെ പ്രസവത്തിലുള്ള കുഞ്ഞിനെയാണ് വര്ക്കല സ്വദേശികളായ ദമ്പതികൾക്ക് കൈമാറിയത്. ഭര്ത്താവ് ഉപേക്ഷിച്ചു പോയതിനാല് അഞ്ചാമതൊരു കുഞ്ഞിനെകൂടി വളര്ത്താന് സാഹചര്യമില്ലാത്തതിനാല് കുഞ്ഞ് നല്ലനിലയില് വളരട്ടെയെന്ന് ആഗ്രഹിച്ചാണു കൈമാറ്റം നടത്തിയതെന്നാണു യുവതി പോലീസിന് മൊഴി നൽകിയത്.
മക്കളില്ലാതിരുന്ന ഷൈജു-ഷീജ ദമ്പതികള് കുഞ്ഞിനെ ദത്തെടുക്കാനുള്ള ആഗ്രഹം പ്രകടപ്പിച്ചതിനെത്തുടര്ന്നാണ് ഇവർ കുഞ്ഞിനെ കൈമാറിയത്. യുവതി കുഞ്ഞില്ലാതെ ആശുപത്രിയില്നിന്നു വീട്ടിലെത്തിയതിനെത്തുടര്ന്നു സംശയം തോന്നിയ അയല്വാസിയാണ് പോലീസിൽ പരാതി നൽകിയത്. ദമ്പതികളെ വിളിച്ചുവരുത്തി അറസ്റ്റ് രേഖപ്പെടുത്തുകയും കുട്ടിയെ മാതാവിനു കൈമാറുകയുംചെയ്തു.
Post Your Comments