ന്യൂഡൽഹി: മഹാസഖ്യത്തിനായി പ്രത്യുപകാരം ചെയ്ത് കോണ്‍ഗ്രസ്. ഉത്തര്‍ഡ പ്രദേശില്‍ എസ്പി-ബിഎസ്പി-ആർഎൽഡി കൂട്ടുകെട്ടിനായികോണ്‍ഗ്രസ് ഏഴു സീറ്റ് ഒഴിച്ചിടും. എസ്പി നേതാവ് മുലായം സിംഗ് യാദവ് മത്സരിക്കുന്ന മെയിൻപുരി, അഖിലേഷ് യാദവിന്‍റെ ഭാര്യ ഡിംപിൾ മത്സരിക്കുന്ന കനൗജ്, ആർഎൽഡിയുടെ അജിത് സിംഗ്, ജയന്ത് ചൗധരി എന്നിവർ മത്സരിക്കുന്ന സീറ്റുകൾ, മായാവതി മത്സരിക്കുന്ന മണ്ഡലം എന്നിവ കോണ്‍ഗ്രസ് ഒഴിച്ചിടും. ഇവിടെങ്ങളില്‍ തങ്ങളുടെ സ്ഥാനാര്‍ത്ഥിയെ നിര്‍ത്തില്ലെന്ന് കോണ്‍ഗ്രസ് നേതാവ് രാജ് ബബ്ബർ അറിയിച്ചു.
ഈ വർഷം ആദ്യമാണ് എസ്പി-ബിഎസ് കൂട്ടുക്കെട്ടിനായി മായാവതിയും അഖിലേഷ് യാദവും ധാരണയായത്. തുടര്‍ന്ന് ഉത്തര്‍ പ്രദേശില്‍ ഒറ്റയ്ക്കു ജനവിധി തേടുമെന്ന് കോണ്‍ഗ്രസ് അറിയിച്ചിരുന്നു. എസ്പി 37 സീറ്റിലും ബിഎസ്പി 38 സീറ്റിലും മത്സരിക്കാനാണ് എസ്പി-ബിഎസ്പി ധാരണ. സോണിയ ഗാന്ധിയുടെ മണ്ഡലമായ റായ്ബറേലിയും രാഹുൽ ഗാന്ധിയുടെ മണ്ഡലമായ അമേത്തിയും സഖ്യം ഒഴിച്ചിട്ടിട്ടുണ്ട്.
Post Your Comments