കേരളത്തിലെ ഐടി മേഖലയിലടക്കം നിക്ഷേപം നടത്താന്‍ താല്‍പര്യമുണ്ടെന്ന് അമേരിക്ക; തീരുമാനം മുഖ്യമന്ത്രിയുമായി അമേരിക്കന്‍ അംബാസഡര്‍ നടത്തിയ ചർച്ചയ്ക്ക് ശേഷം

തിരുവനന്തപുരം: ഐടി മേഖലയിലടക്കം കേരളത്തില്‍ കൂടുതല്‍ നിക്ഷേപം നടത്താനും ടൂറിസം രംഗത്ത് കൂടുതല്‍ സഹകരിക്കാനും താത്പര്യമുണ്ടെന്ന് അമേരിക്ക. ഇന്ത്യയിലെ അമേരിക്കന്‍ അംബാസഡര്‍ കെന്നത്ത് ജസ്റ്റര്‍ മുഖമന്ത്രിയെ സന്ദർശിച്ച ശേഷമാണ് ഇക്കാര്യം അറിയിച്ചത്. മുഖ്യമന്ത്രിയുടെ ഓഫീസിലായിരുന്നു കൂടിക്കാഴ്ച ടൂറിസം, ബിസിനസ്സ്, ആരോഗ്യം മുതലായ മേഖലകളിലും സാങ്കേതിക രംഗത്തും കൂടുതല്‍ സഹകരിക്കാനുള്ള താല്‍പര്യം മുഖ്യമന്ത്രിയും അറിയിക്കുകയുണ്ടായി. അതേസമയം പ്രളയം നേരിടുന്നതിലും നിപ വൈറസിനെ പ്രതിരോധിക്കുന്നതിലും കേരളം സ്വീകരിച്ച നടപടികളെ കെന്നത്ത് ജസ്റ്റര്‍ അഭിനന്ദിക്കുകയും ചെയ്തു.