ഐസിസി ടി20 റാങ്കിംഗില്‍ ഇന്ത്യക്ക് കനത്ത തിരിച്ചടി.പുതിയ റാങ്കിംഗില്‍ ഇന്ത്യ അഞ്ചാം സ്ഥാനത്താണ്. പാക്കിസ്ഥാനാണ് ഒന്നാം സ്ഥാനത്ത്. ഇംഗ്ലണ്ട് രണ്ടാമതും ദക്ഷിണാഫ്രിക്ക മൂന്നാമതുമുള്ള റാങ്കിംഗില്‍ ഓസ്‌ട്രേലിയ ആണ് നാലാം സ്ഥാനത്ത്.
ആറു മുതല്‍ പത്തുവരെയുള്ള സ്ഥാനങ്ങളില്‍ ന്യൂസിലന്‍ഡ്, അഫ്ഗാനിസ്ഥാന്‍, ശ്രീലങ്ക, വെസ്റ്റ് ഇന്‍ഡീസ്, ബംഗ്ലാദേശ് എന്നീ ടീമുകളാണ് ബാറ്റിംഗ് റാങ്കിംഗില്‍ അഞ്ചാം സ്ഥാനത്തുള്ള ലോകേഷ് രാഹുലും പത്താം സ്ഥാനത്തുള്ള രോഹിത് ശര്‍മയും മാത്രമാണ് ആദ്യ പത്തിലുള്ള ഇന്ത്യന്‍ ബാറ്റ്‌സ്മാന്‍മാര്‍.
ബാറ്റിംഗ് റാങ്കിംഗില്‍ ഒന്നാമത് പാക്കിസ്ഥാന്റെ ബാബര്‍ അസം ആണ്. കോളിന്‍ മണ്‍റോ, ഗ്ലെന്‍ മാക്‌സ്വെല്‍, ആരോണ്‍ ഫിഞ്ച് എന്നിവരാണ് രണ്ട് മുതല്‍ നാലുവരെയുള്ള സ്ഥാനങ്ങളില്‍.അഞ്ചാം സ്ഥാനത്തുള്ള കുല്‍ദീപ് യാദവ് മാത്രമാണ് ആദ്യ പത്തിലെ ഏക ഇന്ത്യന്‍ ബൗളര്‍.
ബൗളിംഗ് റാങ്കിംഗില്‍ ഒന്നാമത് അഫ്ഗാനിസ്ഥാന്‍ സ്പിന്നര്‍ റഷീദ് ഖാനാണ്. പാക്കിസ്ഥാന്റെ ഇമാദ് വാസിമും ഷദാബ് ഖാനും രണ്ടും മൂന്നും സ്ഥാനങ്ങളിലെത്തി. ആദില്‍ റഷീദാണ് നാലാം സ്ഥാനത്ത്. ഇംഗ്ലണ്ട് താരമാണ് ആദില്‍ റഷീദ്.
Post Your Comments