KeralaLatest News

മയക്കുമരുന്നുമായി സിനിമാതാരം എക്‌സൈസ് പിടിയില്‍ : മയക്കുമരുന്ന് തിരുവനന്തപുരത്തെ ഡിജെ പാര്‍ട്ടിയ്ക്ക്

തിരുവനന്തപുരം: മയക്കുമരുന്നുമായി സിനിമാതാരം എക്സൈസ് പിടിയിലായി. മലയാള സിനിമകളില്‍ ജൂനിയര്‍ ആര്‍ട്ടിസ്റ്റായി അഭിനയിക്കുന്ന ഫോര്‍ട്ട് കൊച്ചി സ്വദേശി ആന്റണിയാണ് പിടിയിലായത്. ഇയാളില്‍ നിന്നും 15 എല്‍എസ്ഡി സ്റ്റാമ്ബുകളും 70 മയക്കുമരുന്ന് ഗുളികകളും കഴക്കൂട്ടം എക്സൈസ് സംഘം കണ്ടെടുത്തു. അറസ്റ്റ് ചെയ്ത പ്രതിയെ കോടതിയില്‍ ഹാജരാക്കിയ ശേഷം റിമാന്‍ഡ് ചെയ്തു.

കഴക്കൂട്ടം ടെക്നോപാര്‍ക്ക് കേന്ദ്രീകരിച്ചായിരുന്നു ഇദ്ദേഹം മയക്കുമരുന്ന് വില്പന നടത്തിയിരുന്നതെന്നാണ് വിവരം. ടെക്നോപാര്‍ക്കിന് സമീപത്തുനിന്നാണ് ഇയാളെ കസ്റ്റഡിയിലെടുത്തത്. തിരുവനന്തപുരത്ത് ഡിജെ പാര്‍ട്ടിക്കായി കൊണ്ട് വന്നതാണ് മയക്കുമരുന്നെന്ന് ഇയാള്‍ എക്സൈസ് സംഘത്തോട് സമ്മതിച്ചു. മലയാള സിനിമകളില്‍ ജൂനിയര്‍ ആര്‍ട്ടിസ്റ്റ് ആയി പ്രവര്‍ത്തിക്കുന്ന ആന്റണി മയക്ക് മരുന്ന് ശൃംഖലയിലെ മുഖ്യകണ്ണിയാണെന്നാണ് വിവരം. കൊച്ചിയില്‍ കേന്ദ്രീകരിച്ചിരുന്ന ഡിജെ പാര്‍ട്ടികള്‍ കഴക്കൂട്ടത്തും തുടങ്ങിയതോടെ മയക്കുമരുന്നു വില്‍പനയും വ്യാപകമായിരുന്നു. ഇതേ തുടര്‍ന്ന് ലഭിച്ച രഹസ്യ വിവരത്തിന്റെ അടിസ്ഥാനത്തില്‍ നടത്തിയ അന്വേഷണത്തിലാണ് എക്സൈസ് സംഘം പ്രതിയെ പിടികൂടിയത്.

ഈസ്റ്റ് കോസ്റ്റ് ഡെയ്‌ലി വാർത്തകൾ ടെലഗ്രാമിൽ ലഭിക്കാൻ ഇവിടെ ക്ലിക്ക് ചെയ്യുക

Related Articles

Post Your Comments


Back to top button