വലിയതുറ കടലിൽ ‘വാട്ടർസ്‌പൗട്ട്’ പ്രതിഭാസം

തിരുവനന്തപുരം: വലിയതുറ കടലിൽ ‘വാട്ടർസ്‌പൗട്ട്’ പ്രതിഭാസം. ഇന്ന് വൈകിട്ട് പാലത്തിന് സമീപമാണ് പ്രതിഭാസം ദൃശ്യമായത്. ഇടിമിന്നല്‍ വരുമ്പോള്‍ രണ്ട് മേഘങ്ങള്‍ തമ്മിലുണ്ടാകുന്ന മര്‍ദ്ദ വ്യതിയാനം മൂലമുണ്ടാകുന്ന പ്രതിഭാസമാണിത്. അന്തരീക്ഷ മർദ്ദത്തിന്റെ ഏറ്റക്കുറച്ചിലിന് അനുസരിച്ചാണ് ഇത് ഉണ്ടാകുന്നത്. മുൻപ് ഓഖി ചുഴലിക്കാറ്റിന് മുൻപും സമാനമായ രീതിയിൽ ‘വാട്ടർസ്‌പൗട്ട്’ ഉണ്ടായിരുന്നു. എന്നാൽ പതിവായി കായലിലും കടലിലും കാണുന്ന ഇത്തരം പ്രതിഭാസങ്ങൾക്ക് ചുഴലിക്കാറ്റുമായി യാതൊരു ബന്ധമില്ല.