വനം വകുപ്പും ദേവസ്വം ബോര്‍ഡും തമ്മിലുള്ള ഭിന്നത തുടരുന്നു ; വിമർശനമുന്നയിച്ച് എ.പത്മകുമാര്‍

പത്തനംതിട്ട: ചില ഉദ്യോഗസ്ഥർ ശബരിമലയെ തകർക്കുന്ന സമീപനാണ് സ്വീകരിക്കുന്നതെന്നും ശബരിമലയിലെ വികസനത്തിന് വനംവകുപ്പ് തടസ്സം നില്‍ക്കുന്നുവെന്നും ദേവസ്വം ബോര്‍ഡ് അധ്യക്ഷന്‍ എ.പത്മകുമാര്‍.

സംസ്ഥാന സര്‍ക്കാര്‍ 730 കോടി രൂപയുടെ പദ്ധതികൾ അനുവദിച്ചു. എന്നാൽ ഈ പദ്ധതികളെയെല്ലാം വനംവകുപ്പ് എതിർക്കുകയാണ്. ശബരിമലയിലെ രണ്ട് പാലം പണികൾ തുടങ്ങാൻ കഴിയാത്തത് വനംവകുപ്പിലെ ചില ഉദ്യോഗസ്ഥരുടെ എതിർപ്പിനെ തുടർന്നാണെന്നും പേരെടുത്തു പറയാതെ അദ്ദേഹം കുറ്റപ്പെടുത്തി. ഹൈക്കോടതി ചുമതലപ്പെടുത്തിയ അഭിഭാഷക കമ്മീഷൻ ചുമതലപ്പെടുത്താത്ത വിഷയങ്ങളിലും ഇവർ ഇടപെടുന്നുവെന്നും ദേവസ്വം ബോർഡ് അധ്യക്ഷന്‍ വ്യക്തമാക്കി.