ലോകമെമ്പാടും ഉപയോക്താക്കളുള്ള ഗൂഗിളിന്റെ ഈ സേവനം തകരാറിലായി

ന്യൂ ഡൽഹി : ലോകമെമ്പാടും ഉപഭോക്താക്കളുള്ള ഗൂഗിൾ കലണ്ടർ (google.calendar.com) തകരാറിലായി. ചൊവ്വാഴ്ച വൈകുന്നേരം ഈ സേവനം പ്രവർത്തന രഹിതമായത്. കലണ്ടറിൽ ഷെഡ്യൂളിങ് ഇനി എളുപ്പത്തിൽ ചെയ്യാമെന്ന് ഇന്ന് ഗൂഗിൾ ട്വീറ്റ് ചെയ്തതിന് ശേഷം മണിക്കൂറുകൾ കഴിഞ്ഞാണ് തകരാറിലായത്. കലണ്ടറിന് എന്താണ് സംഭവിച്ചതെന്ന് പരിശോധിക്കുകയാണെന്നു ഗൂഗിൾ ഔദ്യോഗികമായി അറിയിച്ചു. അതേസമയം ട്വിറ്ററിൽ തകരാർ സംബന്ധിച്ച ട്വീറ്റുകൾ നിറയുകയാണ്.