Latest NewsIndia

ഡ്യൂട്ടി ഫ്രീ ഷോപ്പില്‍ മോഷണ ശ്രമം; പൈലറ്റ് പിടിയില്‍

ന്യൂഡല്‍ഹി: ഡ്യൂട്ടി ഫ്രീ ഷോപ്പിലെ മോഷണശ്രമത്തിനിടെ പൈലറ്റ് പിടിയിലായി. എയര്‍ ഇന്ത്യയിലെ സീനിയര്‍ പൈലറ്റായ ഇയാളെ ശനിയാഴ്ച സിഡ്നി വിമാനത്താവളത്തില്‍ വച്ചാണ് പിടികൂടിയത്. എയര്‍ ഇന്ത്യ റീജണല്‍ ഡയറക്ടറും മുതിര്‍ന്ന കമാന്‍ഡറുമായ രോഹിത് ഭാസിനാണ് ഡ്യൂട്ടി ഫ്രീ ഷോപ്പിലെ മോഷണത്തിനിടെ പിടിയിലായത്. സംഭവത്തെ തുടര്‍ന്ന് ഇയാളെ എയര്‍ ഇന്ത്യ സസ്പെന്‍ഡ് ചെയ്തു.

സിഡ്നിയില്‍ നിന്ന് ഡല്‍ഹിയിലേക്കുള്ള എയര്‍ ഇന്ത്യ എ എല്‍ 310 വിമാനം പറത്താന്‍ ചുമതലപ്പെട്ട രോഹിത് വിമാനത്താവളത്തിലെ ഡ്യൂട്ടി ഫ്രീ ഷോപ്പില്‍ നിന്നും പഴ്സ് മോഷ്ടിക്കാന്‍ ശ്രമിക്കുന്നതിനിടെയാണ് പിടിയിലായത്. രോഹിത് പിടിയിലായതോടെ ഇയാളെ ചുമതലകളില്‍ നിന്ന് ഒഴിവാക്കിയതായും സസ്പെന്‍ഡ് ചെയ്തതായും എയര്‍ ഇന്ത്യ അധികൃതര്‍ അറിയിച്ചു. മാനേജ്മെന്റിന്റെ സമ്മതം കൂടാതെ എയര്‍ ഇന്ത്യ ഓഫീസില്‍ പ്രവേശിക്കുന്നതിനും ഇയാള്‍ക്ക് വിലക്ക് ഏര്‍പ്പെടുത്തിയിട്ടുണ്ട്. സംഭവത്തെ കുറിച്ച് വിശദമായി അന്വേഷിക്കാന്‍ ഉത്തരവിറക്കിയിട്ടുണ്ട്.

ഈസ്റ്റ് കോസ്റ്റ് ഡെയ്‌ലി വാർത്തകൾ ടെലഗ്രാമിൽ ലഭിക്കാൻ ഇവിടെ ക്ലിക്ക് ചെയ്യുക

Related Articles

Post Your Comments


Back to top button