ശ്രീനഗര്‍: പിതാവിന്റെ മൃതദേഹവുമായി പോയ ആംബുലന്‍സ് മണിക്കൂറുകളോളം വഴിയില്‍ തടഞ്ഞതായി പരാതി. ജമ്മു കശ്മീരിലെ ധനകാര്യ വകുപ്പ് ഡയറക്ടര്‍ ഇംതിയാസ് വാനിയാണ് പരാതിയുമായി രംഗത്തെത്തിയത്. വ്യാഴാഴ്ചയാണ് സംഭവം നടന്നത്. അമര്‍നാഥ് തീര്‍ത്ഥാടകര്‍ക്കുവേണ്ടി ശ്രീനഗര്‍- ജമ്മു ദേശീയപാതയില്‍ മണിക്കൂറുകളോളം ആംബുലന്‍സ് തടഞ്ഞുവെന്നാണ് പരാതി.
സാമൂഹ്യ മാധ്യമത്തിലൂടെയാണ് വാനി ഇക്കാര്യം പങ്കു വച്ചത്. ഓഗസ്റ്റ് 15-നാണ് അമര്‍നാഥ് തീര്‍ത്ഥാടനം അവസാനിക്കുന്നത്. ഇതുവരെ അഞ്ചുമണിക്കൂര്‍ പ്രാദേശിക യാത്രക്കാരെ വഴിയില്‍ തടയാനാണ് അധികൃതരുടെ തീരുമാനം. അതേസമയം വാനിയുടെ ആരോപണം തെറ്റാണെന്നും തീര്‍ത്ഥാടകരെ ഓവര്‍ടേക്ക് ചെയ്യാന്‍ ശ്രമിച്ചതുകൊണ്ടാണ് ആംബുലന്‍സ് തടഞ്ഞതെന്നുമാണ് പോലീസിന്റെ പ്രതികരണം.
Post Your Comments