ദുബായ്: ഗള്‍ഫ് മേഖലയില്‍ നിന്നും ഇന്ത്യയിലേക്കുള്ള വിമാനയാത്രകള്‍ക്ക് പുതിയ ഓഫറുമായി എയര്‍ ഇന്ത്യ എക്‌സ്പ്രസ്. 269 ദിര്‍ഹം മുതല്‍ യാത്രാ ടിക്കറ്റുകള്‍ ലഭ്യമാകും. മൂന്ന് ദിവസത്തേക്കാണ് ഈ ഓഫര്‍. 2019 ഓഗസ്റ്റ് 27 ന് ബുക്കിംഗ് ആരംഭിച്ചതായി എയര്‍ ഇന്ത്യ വെബ്‌സൈറ്റിലൂടെ അറിയിച്ചു.
ഷാര്‍ജയില്‍ നിന്ന് ഇന്ത്യയിലെ പ്രധാന നഗരങ്ങളിലേക്ക് യാത്ര ചെയ്യുന്നവര്‍ക്ക് 269 ദിര്‍ഹം മുതല്‍ ടിക്കറ്റ് ബുക്ക് ചെയ്യാവുന്നതാണ്. ദുബായില്‍ നിന്നുള്ള യാത്രക്കാര്‍ക്ക് 279 ദിര്‍ഹം മുതല്‍ ടിക്കറ്റ് ലഭിക്കും. 289 ദിര്‍ഹം മുതലാണ് അബുദാബിയില്‍ നിന്നുള്ള യാത്രക്കാരുടെ ടിക്കറ്റ് നിരക്ക്. ഡല്‍ഹി, മുംബൈ, മംഗലാപുരം, തിരുവനന്തപുരം, കൊച്ചി, കോഴിക്കോട്, ജയ്പൂര്‍, പൂനെ, ലഖ്നൗ തുടങ്ങിയ നഗരങ്ങളിലേക്കുള്ള യാത്രകള്‍ക്ക് ഈ ഇളവ് ലഭിക്കുമെന്ന് എയര്‍ ഇന്ത്യ അറിയിച്ചു. ടിക്കറ്റുകള്‍ www.airindiaexpress.com എന്ന വെബ്‌സൈറ്റിലൂടെ ബുക്ക് ചെയ്യാം.
Post Your Comments