കൊച്ചി: സംസ്ഥാനത്ത് ഏറെ വിവാദമുണ്ടാക്കിയ വരാപ്പുഴ പെണ്‍വാണിഭ കേസിലെ കോടതി വിധി വന്നു. കേസിലെ പ്രധാന പ്രതി ശോഭാ ജോണ്‍ അടക്കമുള്ള 4 പ്രതികളെ വെറുതെ വിട്ടാണ് വിചാരണക്കോടതിയുടെ വിധി വന്നത്. തിരുവനന്തപുരം തിരുമല എംഎസ്പി നഗര്‍ ബഥേല്‍ ശോഭാ ജോണ്‍ (43), തിരുവനന്തപുരം ശാസ്തമംഗലം കാഞ്ഞിരമ്പാറ അരുതക്കുഴി തച്ചങ്കേരി അനില്‍ കുമാര്‍ (കേപ് അനി-39), പെണ്‍കുട്ടിയുടെ മാതാപിതാക്കള്‍ എന്നിവരെയാണു എറണാകുളം അഡീ. സെഷന്‍സ് കോടതി വിട്ടയച്ചത്.
Read Also : കേരളത്തിലെ 15 ശാഖകൾ നിർത്താൻ മുത്തൂറ്റ് ഫിനാൻസ് തീരുമാനം
പ്രതികള്‍ക്കെതിരെ തെളിവുകള്‍ ഇല്ലാത്തതിനാലാണ് കോടതി പ്രതികളെ വെറുതെ വിട്ടയച്ചത്.
2011 ജൂണ്‍ 23 നാണ് കേസിന് ആസ്പദമായി സംഭവം നടക്കുന്നത്. കാസര്‍കോട് റെയില്‍വേ സ്റ്റേഷനില്‍ ശോഭാജോണില്‍ നിന്നു പെണ്‍കുട്ടിയുടെ മാതാവ് 1 ലക്ഷം രൂപ വാങ്ങി മകളെ അനാശാസ്യ പ്രവര്‍ത്തനത്തിനായി നല്‍കി എന്ന് ആരോപിച്ചാണു ആദ്യം കേസ് റജിസ്റ്റര്‍ ചെയ്തത്.
Read Also : കര്‍താര്‍പൂര്‍ ഇടനാഴി സംബന്ധിച്ച് ഇന്ത്യ-പാകിന്റെ നിര്‍ണായ തീരുമാനം ഇന്ന്
എന്നാല്‍, പൊലീസ് നടത്തിയ തുടരന്വേഷണത്തില്‍ പെണ്‍കുട്ടിയെ പഠിപ്പിക്കുമെന്ന വിശ്വാസത്തിലാണു നല്‍കിയതെന്നും പണം വാങ്ങിയിട്ടില്ലെന്നും മാതാപിതാക്കള്‍ മൊഴികള്‍ മാറ്റി പറഞ്ഞതോടെ കേസില്‍ വേണ്ടത്ര തെളിവില്ലാതായി. ഇതോടെ തെളിവുകളുടെ അഭാവത്തില്‍ പ്രതികളെ കോടതി വിട്ടയയ്ക്കുകയായിരുന്നു.
Post Your Comments