ചന്ദ്രയാൻ ദൗത്യം; പ്രതീക്ഷകൾ നൽകി പുതിയ വിവരം

ചന്ദ്രയാൻ ദൗത്യം പരാജയപ്പെട്ടെന്ന വാർത്തകൾക്കിടെ പ്രതീക്ഷ നൽകി പുതിയ വിവരം. വിക്രം ലാന്‍ഡറും, ഓര്‍ബിറ്ററും തമ്മില്‍ ആശയ വിനിമയം തുടരുന്നുണ്ടെന്ന് മുൻ ഇസ്രോ ഡയറക്ടർ ഡി. ശശികുമാർ വ്യക്തമാക്കി. ലാൻഡറുമായുള്ള ആശയവിനിമയം നഷ്ടമായതിന് പിന്നിൽ സോഫ്റ്റ് ലാൻഡിങ്ങാണോ അതോ ക്രാഷ് ലാൻഡിങ്ങാണോ എന്ന് കണ്ടെത്തേണ്ടതുണ്ടെന്നും അദ്ദേഹം പറയുകയുണ്ടായി. ആശയവിനിമയ ചാനൽ ലാൻഡറിനും ഓർബിറ്ററിനും ഇടയിൽ പ്രവർത്തിക്കുന്നുണ്ടെന്നും ശശികുമാർ കൂട്ടിച്ചേർത്തു.

Read also: ചന്ദ്രയാൻ 2 വിന്റെ വിക്രം ലാൻഡറുമായുള്ള ബന്ധം നഷ്ടപ്പെട്ടതിനെ തുടർന്ന് പാകിസ്ഥാൻ ശാസ്ത്ര മന്ത്രിയുടെ പരിഹാസ ട്വീറ്റ് പുറത്ത്

ലാൻ‌ഡറിനും ഓർ‌ബിറ്ററിനുമിടയിൽ‌ ചില ആശയവിനിമയ ചാനലുകൾ‌ ഇപ്പോഴും പ്രവർത്തിക്കുന്നുണ്ട്. ഇതിനാൽ തന്നെ പരുക്കൻ ബ്രേക്കിങ് ഘട്ടം വിജയകരമായി പൂർത്തിയാക്കിയെങ്കിലും ഗ്രൗണ്ട് സ്റ്റേഷനുകളുമായുള്ള ആശയവിനിമയം നഷ്ടപ്പെട്ടതിനാൽ ലാൻഡർ അതിജീവിക്കാൻ സാധ്യതയുണ്ടെന്നാണ് പ്രതീക്ഷ. ചന്ദ്രന്റെ ദക്ഷിണധ്രുവത്തിൽ സോഫ്റ്റ് ലാൻഡിങ് നടത്താൻ ശ്രമിക്കുന്നതിനിടെയാണ് ലാൻഡറുമായി ബന്ധം നഷ്ടപ്പെട്ടത്. ഭൂമിക്കും ചന്ദ്രനും ഇടയിലുള്ള 3,84,000 കിലോമീറ്ററിൽ 3,83,998 കിലോമീറ്റർ ദൂരവും വിജയകരമായി സഞ്ചരിച്ചതിന് ശേഷമായിരുന്നു ഇത്.