ഹൂസ്റ്റണ്‍: യുഎസ് പ്രസിഡന്റ് ഡോണള്‍ഡ് ട്രംപ് അടുത്തമാസം ഇന്ത്യ സന്ദര്‍ശിക്കുമെന്ന് സൂചന. ഹൂസ്റ്റണിലെ എന്‍ആര്‍ജി സ്റ്റേഡിയത്തില്‍ നടന്ന ‘ഹൗഡി മോദി’ സംഗമത്തിൽ വെച്ചാണ് അദ്ദേഹം ഇക്കാര്യം വ്യക്തമാക്കിയത്. മുംബൈയില്‍ നടക്കുന്ന എന്‍ബിഎ ബാസ്ക്കറ്റ് ബോള്‍ മത്സരം കാണാനാണ് ട്രംപ് എത്തുന്നത്. ഇന്ത്യയില്‍ നടക്കുന്ന ആദ്യ എന്‍ബിഎ ബാസ്ക്കറ്റ് ബോള്‍ മത്സരം കാണാന്‍ മുംബൈയില്‍ ആളുകള്‍ ഒത്തുകൂടാന്‍ പോകുകയാണ്. പ്രധാനമന്ത്രി എന്നെ ക്ഷണിച്ചോ എന്ന് ട്രംപ് മോദിയോടു ചോദിക്കുകയുണ്ടായി. അത്ഭുതപ്പെടരുത്, ചിലപ്പോൾ താനും എത്തുമെന്നും ട്രംപ് കൂട്ടിച്ചേർത്തു.
Read also: ട്രക്ക് ജനക്കൂട്ടത്തിലേക്ക് പാഞ്ഞുകയറിയുണ്ടായ അപകടത്തില് നിരവധി മരണം
അടുത്ത മാസം നാല്, അഞ്ച് തീയതികളിലാണ് എന്‍ബിഎയുടെ പ്രീ സീസണ്‍ മത്സരങ്ങൾ മുംബൈയിൽ നടക്കുന്നത്. ഇന്ത്യന്‍ വംശജന്‍ വിവേക് റാണദീവിന്‍റെ ഉടമസ്ഥതയിലുള്ള സക്രമെന്‍റോ കിംഗ്സും ഇന്ത്യാന പേസേഴ്സും തമ്മിലാണ് ആവേശമേറിയ മത്സരം നടക്കുന്നത്.
Post Your Comments