മുംബൈ: ഇന്ത്യൻ താരം ഋഷഭ് പന്തിനു പിന്തുണയുമായി പരിശീലകന്‍ രവി ശാസ്ത്രി രംഗത്ത്. പിഴവു വരുത്തിയാല്‍ കളിക്കാരെ തിരുത്തുമെന്നും പരിശീലക സ്ഥാനത്തിരുന്നു താന്‍ തബല വായിക്കുകയല്ലെന്നും രവി ശാസ്ത്രി പറയുകയുണ്ടായി. ഋഷഭ് പന്ത് പിഴവുകള്‍ ആവര്‍ത്തിച്ചാല്‍ ശാസിക്കുമെന്നു താന്‍ പറഞ്ഞിരുന്നു. ആരെങ്കിലും പിഴവ് വരുത്തിയാൽ അത് തിരുത്തുക എന്നുള്ളത് എന്റെ കടമയാണ്. നല്ലൊരു മാച്ച്‌ വിന്നറാണു പന്ത്. അതുകൊണ്ടുതന്നെ പന്തിന്‍റെ കാര്യത്തില്‍ ക്ഷമയോടെ കാത്തിരിക്കുകയെന്നതാണ് നയം. പന്ത് ലോകോത്തര നിലവാരമുള്ള താരം തന്നെയാണ്. ഏറ്റവും വിനാശകാരിയായ താരമായി മാറാനുള്ള കഴിവ് താരത്തിനുണ്ടെന്നും ശാസ്ത്രി കൂട്ടിച്ചേർത്തു.
കളിയില്‍ തുടര്‍ച്ചയായി പരാജയപ്പെടുകയും മോശം ഫോമില്‍ ആകുകയും ചെയ്ത പന്തിനെ ടീമില്‍നിന്നു പുറത്താക്കുമെന്ന് റിപ്പോർട്ടുകൾ വന്നിരുന്നു. ഇതിനിടെയാണ് പിന്തുണയുമായി രവി ശാസ്ത്രി രംഗത്തെത്തിയിരിക്കുന്നത്.
Post Your Comments