കുവൈറ്റ്: സത്യം പറയുമ്പോള്‍ കള്ളിക്ക് തുള്ളല്‍ എന്ന അവസ്ഥയിലാണ് മുഖ്യമന്ത്രി പിണറായി വിജയനെന്ന ആരോപണവുമായി പ്രതിപക്ഷ നേതാവ് രമേശ് ചെന്നിത്തല. മഞ്ചേശ്വരത്തെ എല്‍ഡിഎഫ് സ്ഥാനാര്‍ഥിയുടെ നിലപാട് കപടഹിന്ദുത്വമാണെന്ന ചെന്നിത്തലയുടെ പരാമര്‍ശം അല്‍പത്തരമാണെന്ന പിണറായിയുടെ പ്രസ്താവയ്ക്കെതിരെ പ്രതികരിക്കുകയായിരുന്നു അദ്ദേഹം.
വിശ്വാസികളുടെ പ്രശ്നം കൈകാര്യം ചെയ്യുന്നതില്‍ പൂര്‍ണമായി പരാജയപ്പെട്ട സര്‍ക്കാരിനെതീരെയുള്ള വിധിയെഴുത്ത് ഉപതെരഞ്ഞടുപ്പിലും പ്രതിഫലിക്കും. കേരളത്തിലെ നവോത്ഥാന നേതാവാകുവാനുള്ള പാഴ് ശ്രമത്തിലായിരുന്നു മുഖ്യമന്ത്രി. ശബരിമല സ്ത്രീ പ്രവേശന വിഷയത്തില്‍ മഞ്ചേശ്വരത്തെ ഇടതു സ്ഥാനാര്‍ഥി ശങ്കര്‍ റൈയുടെ നിലാപാടാണോ എല്‍ഡിഎഫിനെന്ന തന്‍റെ ചോദ്യത്തെ മുഖ്യമന്ത്രി വക്രീകരിക്കുകയായിരുന്നുവെന്നും ചെന്നിത്തല കൂട്ടിച്ചേർത്തു.
Post Your Comments