Latest NewsIndiaNews

മദ്യപാനം തടയാന്‍ ശ്രമിച്ച മകളെ മദ്യപാനിയായ പിതാവ് വെടിവെച്ചുകൊന്നു

ലക്നോ•ഉത്തർപ്രദേശിലെ സാംബാൽ ജില്ലയിൽ മദ്യപാനം തടയാൻ ശ്രമിച്ച 17 കാരിയായ മകളെ മദ്യപാനിയായ പിതാവ് വെടിവച്ചു കൊന്നു.

പിതാവിനെ അറസ്റ്റ് ചെയ്യുകയും കൊലപാതകം സമ്മതിക്കുകയും ചെയ്തതായി പോലീസ് പറഞ്ഞു.

സാംബാൽ ജില്ലയിലെ ബന്ദരായ് ഗ്രാമവാസിയായ നെം സിംഗ് (52) മകളായ നിതേഷിനെ ശനിയാഴ്ച വൈകിട്ടാണ് വെടിവച്ച് കൊലപ്പെടുത്തിയത്.

പെൺകുട്ടിയെ ആശുപത്രിയിൽ എത്തിച്ചെങ്കിലും ഡോക്ടർമാർ മരിച്ചതായി അറിയിക്കുകയായിരുന്നു. മൃതദേഹം പോസ്റ്റ്‌മോർട്ടത്തിനായി അയച്ചു.

വെടിവയ്പ്പ് കേട്ട് അയൽക്കാരാണ് സ്ഥലത്തെത്തി പോലീസിനെ അറിയിച്ചത്.

നെം സിങ്ങിന്റെ ഭാര്യ 15 വർഷം മുമ്പ് ആത്മഹത്യ ചെയ്തിരുന്നു. മരണശേഷം സിംഗ് അമിതമായി മദ്യപിക്കാൻ തുടങ്ങിയിരുന്നു.

മദ്യപാനത്തിനായി തന്റെ കാർഷിക ഭൂമിയുടെ വലിയൊരു ഭാഗം പോലും അദ്ദേഹംവിറ്റിരുന്നു. മകള്‍ക്കും സഹോദരനും ഒപ്പം മൂത്തമകൻ ഗൗരവും മദ്യപാന ശീലത്തെ എതിര്‍ത്തിരുന്നു.

രണ്ട് വർഷം മുമ്പ് ഗൗരവ് ഭാര്യയോടൊപ്പം ഡല്‍ഹിയിലേക്ക് മാറി. സിങ്ങിന്റെ ഇളയ മകൻ സൗരഭും മകൾ നിതേഷും പിതാവിനൊപ്പമായിരുന്നു താമസിച്ചിരുന്നത്.

സിംഗ് മകളെ വെടിവച്ചപ്പോൾ സൗരഭ് വീട്ടിലില്ലെന്ന് എസ്എച്ച്ഒ പ്രവീൺ കുമാർ സോളങ്കി പറഞ്ഞു.

കുറ്റകൃത്യത്തിന് ഉപയോഗിച്ച തദ്ദേശീയമായി നിർമ്മിച്ച പിസ്റ്റളും പോലീസ് കണ്ടെടുത്തിട്ടുണ്ട്.

Tags

Related Articles

Post Your Comments


Back to top button
Close
Close