മതസ്പർധ വളർത്തിയതിനും പ്രചരിപ്പിച്ചതിനും തിരുവല്ലയിൽ യുവാവ് അറസ്റ്റിൽ

തിരുവല്ല: മതസ്പർധ വളർത്തിയതിനും പ്രചരിപ്പിച്ചതിനും തിരുവല്ലയിൽ യുവാവ് അറസ്റ്റിൽ.
തിരുവല്ല കാട്ടുക്കര സ്വദേശി എബ്രഹാം ജോൺ മോനി (38) യാണ് അറസ്റ്റിലായത്. ഇയാളെ കോടതിയിൽ ഹാജരാക്കി റിമാന്റ് ചെയ്തു. പ്രവാചകനെ മോശമായി ചിത്രീകരിക്കുന്ന പോസ്റ്റുകൾ ഫേസ്ബുക്ക് വഴിയാണ് ഇയാൾ വ്യാപകമായി പ്രചരിപ്പിച്ചത്. സംഭവത്തിൽ പ്രതിഷേധം ശക്തമാണ്. പ്രവാചക നിന്ദയിൽ പ്രതിഷേധിച്ച് വിവിധ മഹല്ല് കമ്മിറ്റികളുടെ നേതൃത്വത്തിൽ ഇന്ന് വൈകീട്ട് അഞ്ചിന് തിരുവല്ലയിൽ പ്രകടനം നടന്നു.

ALSO READ: വാളയാര്‍ കേസില്‍ അപ്പീല്‍ നല്‍കും, പ്രോസിക്യൂട്ടറെ മാറ്റാനും തീരുമാനം; മുഖം രക്ഷിക്കാൻ സര്‍ക്കാര്‍

സോഷ്യൽ മീഡിയകളിലൂടെ ഇസ്‌ലാം മതത്തേയും പ്രവാചകനേയും അവഹേളിക്കുന്ന പോസ്റ്റുകൾ ഇയാൾ പങ്കുവെച്ചു. സംഭവം ശ്രദ്ധയിൽപ്പെട്ടതോടെ തിരുവല്ലയിലെ വിവിധ മുസ്‌ലീം ജമാഅത്തുകൾ സംയുക്തമായി ഇന്നലെ തിരുവല്ല പോലിസ് സ്റ്റേഷനിൽ പരാതി നൽകിയിരുന്നു. ഇതേതുടർന്ന് ഇന്നു രാവിലെയാണ് ഇയാളെ പിടികൂടിയത്.