ഭര്‍ത്താവിനെയും മക്കളെയും ഉപേക്ഷിച്ച് ഒളിച്ചോടിയ യുവതിയും കാമുകനും റിമാന്‍ഡില്‍

കാട്ടാക്കട•ഭര്‍ത്താവിനെയും മക്കളെയും ഉപേക്ഷിച്ച് കാമുകനോപ്പം ഒളിച്ചോടിയ യുവതിയും കാമുകനും റിമാന്‍ഡില്‍. കോട്ടാകുഴി ശോഭനാലയത്തിൽ അഞ്ജു(31)വാണ് രണ്ടാം ഭര്‍ത്താവിനെയും മക്കളെയും ഉപേക്ഷിച്ച് മലമുകൾ കടുവാകുഴി സോണി സദനത്തിൽ രാജേഷ്(31)നൊപ്പം രണ്ടിനു വീടുവിട്ടത്.

ഭർത്താവ് മരിച്ചതിനെ തുടർന്നാണ് അഞ്ജു രണ്ടാമത് വിവാഹിതയായത്. ഈ ബന്ധത്തില്‍ 9 വയസ്സുള്ള മകളും ആദ്യത്തെ ബന്ധത്തില്‍ 13 വയസ്സുള്ള മകനുമുണ്ട്. ഭർത്താവിന്റെ പരാതിയിൽ കേസെടുത്ത കാട്ടാക്കട പൊലീസ് ഇന്നലെ അഞ്ജുവിനെയും യുവാവിനെയും അറസ്റ്റ് ചെയ്തു.ജുവനൈൽ ജസ്റ്റിസ് ആക്ട് അനുസരിച്ച് കേസെടുത്ത് ഹാജരാക്കി. കാട്ടാക്കട കോടതി റിമാൻഡ് ചെയ്തു.