കോലഞ്ചേരി: കോലഞ്ചേരി വടവുകോട് പള്ളിയിൽ പ്രാർത്ഥന കഴിഞ്ഞിറങ്ങിയ ഓർത്തഡോക്‌സ് വിശ്വാസികളെ ഒരു സംഘം ആക്രമിച്ചു. ഓർത്തഡോക്‌സ്-യാക്കോബായ വിഭാഗങ്ങൾ തമ്മിലുള്ള തർക്കമാണ് അക്രമത്തിലേക്ക് നയിച്ചതെന്ന് കണക്കുകൂട്ടുന്നു. ആക്രമണത്തിൽ രണ്ട് പേർക്ക് പരുക്കേറ്റു. ഒൻപത് മണിയോടെയാണ് സംഭവം. ആക്രമണത്തിന്റെ സിസിടിവി ദൃശ്യങ്ങൾ പുറത്തു വന്നു.
വടവുകോട് പള്ളിയിൽ ഓർത്തഡോക്‌സ്-യാക്കോബായ വിഭാഗങ്ങൾ തമ്മിൽ തർക്കം നിലനിന്നിരുന്നു. നിലവിൽ ഓർത്തഡോക്‌സ് വിഭാഗത്തിന്റെ കൈവശമാണ് പള്ളി.
സുപ്രിംകോടതി വിധി നടപ്പാക്കിയതിന് ശേഷം ഓർത്തഡോക്‌സ് വിഭാഗത്തിന് നേരെ കൈയേറ്റ ശ്രമം നടന്നതായി ആരോപണമുണ്ടായിരുന്നു. പരുക്കേറ്റവരെ കോലഞ്ചേരി മെഡിക്കൽ കോളേജിൽ പ്രവേശിപ്പിച്ചു.
Post Your Comments