ഗള്‍ഫിലായിരുന്ന ഭര്‍ത്താവിനെയും മകളെയും ഉപേക്ഷിച്ചു പോയ യുവതിയും കാമുകനും അറസ്റ്റില്‍

കല്ലമ്പലം•ഗള്‍ഫിലായിരുന്ന ഭര്‍ത്താവിനെയും മകളെയും ഉപേക്ഷിച്ചു പോയ യുവതിയും കാമുകനും അറസ്റ്റില്‍. പള്ളിക്കൽ മടവൂർ കൃഷ്ണൻകുന്ന് ഭാസ്ക്കരവിലാസത്തിൽ സജിന്റെ ഭാര്യ:പ്രജീന(29),തൃശൂർ അരിമ്പൂർ കരിവാംവളവ് വടക്കോട്ടുവീട്ടിൽ ശിബിൻ(31)എന്നിവരാണ് അറസ്റ്റിലായത്.

ഒരു മാസം മുൻപാണ് പ്രജിനയെ കാണാതായത്. എട്ടുവയസുള്ള മകളെ ഭർത്താവിന്റെ അമ്മയുടെ അടുത്താക്കിയിട്ടാണു പ്രജീന പോയത്. തുടര്‍ന്ന് ബന്ധുക്കള്‍ പോലീസില്‍ പരാതി നല്‍കിയിരുന്നു.

9 വർഷം മുൻപ് പ്രജീന തൃശൂരിൽ സ്വകാര്യ സ്ഥാപനത്തിൽ ജീവനക്കാരിയായിരിക്കെ അവിടെ ജീവനക്കാരനായിരുന്ന സജിനെ 2011ൽ വിവാഹം കഴിച്ചു. 2016ൽ സജിൻ വിദേശത്തു പോയി. ഇതിനിടെയാണ് ശിബിനുനുമായി യുവതി അടുത്തത്. നേരത്തെ വിവാഹിതനായ ശിബിന് മൂന്നു വയസ്സുള്ള മകനുണ്ട്.