മ​ഹാ​രാ​ഷ്ട്ര​യി​ൽ ശി​വ​സേ​ന-​കോ​ണ്‍​ഗ്ര​സ്-​എ​ന്‍​സി​പി സ​ര്‍​ക്കാ​രി​നെ പി​ന്തു​ണച്ചെന്ന വാർത്ത : വിശദീകരണവുമായി സി​പി​എം എം​എ​ല്‍​എ

മുംബൈ : മ​ഹാ​രാ​ഷ്ട്ര​യി​ൽ ശി​വ​സേ​ന-​കോ​ണ്‍​ഗ്ര​സ്-​എ​ന്‍​സി​പി സ​ര്‍​ക്കാ​രി​നെ പി​ന്തു​ണച്ചെന്ന വാ​ര്‍​ത്ത തള്ളി സി​പി​എം എം​എ​ല്‍​എ എ വി​നോ​ദ് നി​ക്കോ​ളെ. ആ​ര്‍​ക്കും പിന്തുണ നല്കിയിട്ടില്ല. ഗ​വ​ര്‍​ണ​റു​ടെ ക​ത്തി​ല്‍ സി​പി​എ​മ്മി​ന്‍റെ പേ​ര് എ​ങ്ങ​നെ വ​ന്നു എ​ന്ന​റി​യി​ല്ലെ​ന്നും,പു​തി​യ സ​ര്‍​ക്കാ​രി​നോ​ടു സി​പി​എ​മ്മി​നു വി​രോ​ധ​മി​ല്ലെ​ന്നും വി​നോ​ദ് നി​ക്കോ​ളെ വ്യ​ക്ത​മാ​ക്കി.

മ​ഹാ​രാ​ഷ്ട്ര​യി​ലെ പാ​ല്‍​ഘ​ര്‍ ജി​ല്ല​യി​ലെ ദ​ഹാ​നു മ​ണ്ഡ​ല​ത്തി​ൽ നിന്നുമാണ് വി​നോ​ദ് നി​ക്കോ​ളെ എംഎൽഎ അഴി തിരഞ്ഞെടുക്കപ്പെട്ടത്. സം​സ്ഥാ​ന​ത്ത് ആ​കെ ഒ​രു എം​എ​ല്‍​എ​യാ​ണ് സി​പി​എ​മ്മി​നു​ള്ള​ത്. മ​ഹാ​രാ​ഷ്ട്ര നി​യ​മ​സ​ഭ​യി​ലെ ഏ​റ്റ​വും കു​റ​ഞ്ഞ സ​ന്പ​ത്തു​ള്ള നി​യ​മ​സ​ഭാം​ഗം കൂ​ടി​യാ​യ വി​നോ​ദ് വ​ടാ പാ​വ് ക​ച്ച​വ​ട​ക്കാ​ര​നാ​യി​രു​ന്നു. മഹാരാഷ്ട്രയില്‍ ഉദ്ധവ് താക്കറെ സർക്കാരിനെ സിപിഎം എംഎല്‍എ വിനോദ് നിക്കോളെ പിന്തുണയ്ക്കുമെന്നും ബിജെപിയെ അധികാരത്തില്‍ നിന്ന് അകറ്റി നിര്‍ത്താനാണ് മഹാ അഗഡി സര്‍ക്കാറിന് പിന്തുണ നല്‍കുന്നതെന്നുമുള്ള വാർത്തകളാണ് നേരത്തെ പുറത്തു വന്നിരുന്നത്.
288 അം​ഗ നി​യ​മ​സ​ഭ​യി​ല്‍ ഭൂ​രി​പ​ക്ഷ​ത്തി​നു 145 പേ​രു​ടെ പി​ന്തു​ണ​യാ​ണ് വേണ്ടത്. ശി​വ​സേ​ന-​എ​ന്‍​സി​പി-​കോ​ണ്‍​ഗ്ര​സ് സ​ഖ്യ​ത്തി​ന് 162 അം​ഗ​ങ്ങ​ളു​ടെ പി​ന്തു​ണ​യാണുള്ളത്.

Also read : മഹാരാഷ്ട്ര: കോണ്‍ഗ്രസിന് 13 മന്ത്രിസ്ഥാനങ്ങള്‍ക്ക് ധാരണ: സ്പീക്കര്‍ സ്ഥാനം കോണ്‍​ഗ്രസ് ആവശ്യപ്പെട്ടു

അതേസമയം ഉദ്ധവ് താക്കറെ മുഖ്യമന്ത്രിയായിട്ടുള്ള ധാരണയ്ക്ക് അംഗീകാരം നൽകി മറ്റ് സ്ഥാനങ്ങള്‍ പങ്കുവെക്കുന്നതിനുള്ള ചര്‍ച്ച തുടരുന്നുവെന്നാണ് റിപ്പോർട്ട്. കോൺഗ്രസിന് 13 മന്ത്രിസ്ഥാനങ്ങൾ ലഭിച്ചേക്കുമെന്നാണ് റിപ്പോർട്ട്. ഒരു ഉപമുഖ്യമന്ത്രി പദവി സഖ്യസർക്കാരിൽ മതിയെന്നും ധാരണയുണ്ട്. സ്പീക്കർ സ്ഥാനവും കോൺഗ്രസ് ആവശ്യപ്പെട്ടിട്ടുണ്ട്.

നാളെ(വ്യാഴാഴ്ച)യാണ് മുഖ്യമന്ത്രി ഉദ്ധവ് താക്കറെ സത്യപ്രതിജ്ഞ ചെയ്ത് അധികാരമേൽക്കുക. വൈകീട്ട് അഞ്ച് മണിക്ക് ശിവജി പാർക്കിലാണ് ചടങ്ങ് നടക്കുന്നത്. സംസ്ഥാനത്ത് 288 എംഎൽഎമാരുള്ളതിനാൽ ചടങ്ങുകൾ വൈകീട്ട് വരെ നീണ്ടേക്കും. ബിജെപി എംഎൽഎ കാളിദാസ് കൊലാംകറെയാണ് പ്രോടേം സ്പീക്കർ ആവുക.