KeralaLatest NewsNews

‘കർത്താവിന്റെ നാമത്തിൽ’; ഡി സി ബുക്‌സ് മെഗാ ബുക്ക് ഫെയറില്‍ സിസ്റ്റർ ലൂസി കളപ്പുരയുടെ പുസ്തകം വിൽപ്പനയ്ക്ക് വെച്ചതിന്റെ പേരിൽ മേള പൂട്ടിച്ചു

കണ്ണൂര്‍: ‘കർത്താവിന്റെ നാമത്തിൽ’ എന്ന സിസ്റ്റർ ലൂസി കളപ്പുരയുടെ പുസ്തകം ഡി സി ബുക്‌സ് മെഗാ ബുക്ക് ഫെയറില്‍ വിൽപ്പനയ്ക്ക് വെച്ചതിന്റെ പേരിൽ മേള പൂട്ടിച്ചു. കണ്ണൂർ ടൗണ്‍ സ്‌ക്വയറില്‍ കഴിഞ്ഞ വാരം ആരംഭിച്ച ഡി സി ബുക്‌സ് മെഗാ ബുക്ക് ഫെയറില്‍ ആണ് പുസ്തകം വിൽപ്പനയ്ക്ക് വെച്ചത്. തലശേരി അതിരൂപത സംഘടിപ്പിച്ച കർഷക പ്രക്ഷോഭത്തിനിടയിൽ നിന്നെത്തിയ ചിലരാണ് സംഘർഷാവസ്ഥ സൃഷ്ടിച്ചത്. പൊലീസ് സുരക്ഷയിൽ മേള പുനരാരംഭിച്ചു. തങ്ങളുടെ അറിവോടെയല്ല പ്രതിഷേധമെന്ന് വ്യക്തമാക്കിയ സഭാനേതൃത്വം സംഭവത്തിൽ ക്ഷമ ചോദിച്ചു.

ഒരു ലക്ഷത്തോളം പേർ പങ്കെടുത്ത തലശേരി അതിരൂപതയുടെ കർഷക പ്രക്ഷോഭം രാവിലെയായിരുന്നു. ഇതിനിടയിൽ നിന്ന് ചിലരാണ് ടൗൺ സ്ക്വയറിൽ ഡിസി ബുക്സിന്രെ മേള പൂട്ടിക്കാനെത്തിയത്. മൂന്ന് തവണയായെത്തിയ സംഘം ഒടുവിൽ സിസ്റ്റർ ലൂസിയുടെ പുസ്തകങ്ങൾ ബലമായി പൊതിഞ്ഞു മാറ്റിവെച്ച് മേള പൂട്ടിച്ചു. പൊലീസ് സുരക്ഷയിലാണ് നിലവിൽ പുസ്തക മേള നടക്കുന്നത്.

ALSO READ: കന്യാസ്ത്രീയെ മുൻ ബിഷപ്പ് ഫ്രാങ്കോ മുളയ്ക്കൽ ബലാത്സംഗം ചെയ്‌ത കേസ്: ബിഷപ്പിനെതിരെ ഒന്നും മിണ്ടരുത്, അത് സഭയ്ക്ക് ദോഷം ചെയ്യും; മൊഴിമാറ്റാൻ തന്നെ നിർബന്ധിക്കുന്നുവെന്ന് വെളിപ്പെടുത്തി സിസ്റ്റർ ലിസി

സംഭവത്തിൽ പൊലീസിന്റെ ഡ്യൂട്ടി തടസ്സപ്പെടുത്തിയതിന് കേസെടുത്തിട്ടുണ്ട്. മറ്റ് പരാതികൾ നിലവിൽ ഇല്ല. അതേസമയം കർഷക പ്രക്ഷോഭത്തിനിടയിൽ ഇത്തരമൊരു സംഭവമുണ്ടായതിൽ സമര സംഘാടകർ തന്നെ നേരിട്ട് ഡിസി ബുക്സിലെത്തി ഖേദം പ്രകടിപ്പിച്ചു.

Tags

Related Articles

Post Your Comments


Back to top button
Close
Close