ശബരിമല: ദേവസ്വം മെസില് നിന്ന് സ്റ്റീല് പ്ലേറ്റും ഗ്ലാസും ഉള്പ്പെടെയുള്ളവ മോഷണം പോകുന്നു. ജീവനക്കാര് മാത്രം ആഹാരം കഴിക്കുന്ന മെസില് നിന്നാണ് സാധനങ്ങള് കളവുപോകുന്നത്. മുന്നൂറോളം പേര്ക്ക് ഒരു നേരം ഒരുമിച്ചിരുന്ന് കഴിക്കാനുള്ള സൗകര്യമാണ് മെസിലുള്ളത്. എല്ലാ ദിവസവും മൂവായിരത്തോളം പേര് നേരിട്ട് ഭക്ഷണം കഴിക്കുന്നുണ്ട്. കൂടാതെ 2000 പേര്ക്ക് പാഴ്സലായും ഭക്ഷണം നൽകുന്നുണ്ട്. ജീവനക്കാര് ഒരുമിച്ചെത്തുമ്പോള് പ്ലേറ്റിനും ഗ്ലാസിനും അനുഭവപ്പെടുന്ന ക്ഷാമം പലപ്പോഴും അസൗകര്യമുണ്ടാക്കുന്നുണ്ട്. ഇത്തവണ 600 പ്ലേറ്റും 860 ഗ്ലാസും വാങ്ങിച്ചിട്ടുണ്ട്. ഇതില് നല്ലൊരു പങ്കും ഇപ്പോള് മെസില് കാണാനില്ലെന്നാണ് സ്പെഷ്യൽ ഓഫീസറായ കെ. ജയകുമാര് വ്യക്തമാക്കുന്നത്.
Read also: അപകടരമായ രീതിയില് അയ്യപ്പ ഭക്തന്മാരെ കൊണ്ടുപോയ വാഹനം പൊലീസ് കസ്റ്റഡിയിലെടുത്തു
ഒരു സ്പെഷ്യല് ഓഫീസറും അസി. സ്പെഷ്യല് ഓഫീസറും 42 ദേവസ്വം ജീവനക്കാരുമാണ് മെസിന്റെ പ്രവര്ത്തനങ്ങള്ക്ക് നേതൃത്വം നല്കുന്നത്. പാചകമടക്കമുള്ള മറ്റ് ജോലികള്ക്കായി 42 പേരുണ്ട്. ഭക്ഷണം കഴിക്കാനെത്തുന്ന പലരും ഗ്ലാസും പ്ലേറ്റും മുറികളിലേക്ക് കൊണ്ടുപോകുന്നതാണ് പാത്രം കാണാതാകുന്നതിന് പിന്നിലെ കാരണം.
Post Your Comments