തിരുവനന്തപുരം : പൗരത്വ നിയമഭേദഗതിക്കെതിരേ നടത്തിയ യോജിച്ച പ്രക്ഷോഭത്തിനെതിരെ രംഗത്തുവന്ന ബെന്നി ബഹനാനെയും മുല്ലപ്പള്ളി രാമചന്ദ്രനെയും തള്ളി ഉമ്മൻ ചാണ്ടി. കേരളം നടത്തിയ പ്രക്ഷോഭം രാജ്യത്തിനു നല്‍കിയ ഏറ്റവും നല്ല സന്ദേശമായിരുന്നെന്ന് അദ്ദേഹം വ്യക്തമാക്കി. അഭിപ്രായവ്യത്യാസങ്ങള്‍ പലതുമുണ്ടാകാം. എന്നാലിത്‌ നിലനില്‍പ്പിന്റെ പ്രശ്‌നമാണ്. കോണ്‍ഗ്രസ്‌ അധ്യക്ഷ സോണിയാ ഗാന്ധിയുടെ നേതൃത്വത്തിലാണ്‌ പ്രതിപക്ഷ കക്ഷിനേതാക്കള്‍ ഈ വിഷയത്തില്‍ രാഷ്‌ട്രപതിയെ കണ്ടതെന്നും ഉമ്മൻ ചാണ്ടി കൂട്ടിച്ചേർത്തു.
52 വര്‍ഷത്തിനു ശേഷമാണ്‌ കേരളം ഇത്തരത്തിലൊരു പ്രക്ഷോഭത്തിനു നേതൃത്വം നല്‍കുന്നത്‌. 1967-ല്‍ കേരളത്തിന്‌ അരി ആവശ്യപ്പെട്ടുകൊണ്ട്‌ എല്ലാ പാര്‍ട്ടികളും ഒന്നിച്ചു സമരംചെയ്‌തു.ഇതുമായി ബന്ധപ്പെട്ട്‌ കൂട്ടായ ചര്‍ച്ച നടന്നിട്ടില്ല. യോജിച്ച പ്രക്ഷോഭത്തിനുള്ള പ്രതിപക്ഷനേതാവിന്റെ തീരുമാനത്തോടു വ്യക്‌തിപരമായി യോജിക്കുന്നു. ഇത് ഇവിടംകൊണ്ട്‌ നിര്‍ത്താവുന്ന പ്രതിഷേധമല്ലെന്നും ഉമ്മന്‍ ചാണ്ടി പറഞ്ഞു.
Post Your Comments