ബറേലി•മൊറാദാബാദിലെ കട്ഗർ പ്രദേശത്ത് പത്താംക്ലാസ് വിദ്യാര്‍ത്ഥിനിയായ പതിനേഴുകാരിയെ സുഹൃത്ത് ബ്ലാക്ക്മെയില്‍ ചെയ്ത് ഹോട്ടല്‍ മുറിയിലെത്തിച്ച് മൂന്ന് പേരോടൊപ്പം കൂട്ട ബലാത്സംഗത്തിനിരയാക്കി, സംഭവത്തില്‍ ലോക്കല്‍ പോലീസ് ഒരു പ്രതിയെ അറസ്റ്റ് ചെയ്തു.
തിങ്കളാഴ്ച പോലീസിൽ നൽകിയ പരാതിയിൽ, പ്രതി തന്റെ മകളുടെ വീഡിയോ ചിത്രീകരിച്ചതായും തന്റെ ‘ആഗ്രഹങ്ങൾ’ നിറവേറ്റുന്നില്ലെങ്കിൽ അത് സോഷ്യൽ മീഡിയ പ്ലാറ്റ്‌ഫോമുകളിൽ അപ്‌ലോഡ് ചെയ്യുമെന്ന് ഭീഷണിപ്പെടുത്തിയെന്നും പെൺകുട്ടിയുടെ പിതാവ് പറഞ്ഞു.
ജനുവരി 10 ന് പെൺകുട്ടി സ്‌കൂൾ കഴിഞ്ഞ് കോച്ചിംഗ് ക്ലാസുകളിൽ പങ്കെടുക്കാൻ പോയപ്പോൾ പ്രതി അനുനയിപ്പിച്ച് ഹോട്ടൽ മുറിയിലേക്ക് കൊണ്ടുപോയതായി പിതാവ് പറഞ്ഞു. തന്നോടൊപ്പം വന്നില്ലെങ്കില്‍ അയാൾ വീഡിയോ അപ്‌ലോഡ് ചെയ്യുമെന്ന് അയാള്‍ മകളെ ഭീഷണിപ്പെടുത്തിയെന്നും ഭീഷണിപ്പെടുത്തിയെന്നും അദ്ദേഹം പറഞ്ഞു.
അവിടെവെച്ച് നാലു പ്രതികളും കൂട്ടബലാത്സംഗത്തിനിരയാക്കി.
കോച്ചിംഗ് ക്ലാസ് കഴിഞ്ഞ് പെൺകുട്ടി തിരിച്ചെത്താതിരുന്നതിനെത്തുടര്‍ന്ന് പെണ്‍കുട്ടിയുടെ കുടുംബാംഗങ്ങൾ അന്വേഷിച്ച് ക്ലാസിലെത്തി. എന്നാൽ പെൺകുട്ടി അന്ന് ക്ലാസ്സിൽ പങ്കെടുത്തില്ലെന്ന് അധ്യാപകര്‍ അവരെ അറിയിച്ചു. പിന്നീട്, തരച്ചില്‍ നടത്തുന്നതിനിടെ പിയർ കാ ബസാർ പ്രദേശത്തെ ഒരു ഹോട്ടലിൽ പെൺകുട്ടിയെ കണ്ടതായി ആരോ അവരെ അറിയിച്ചു. തുടര്‍ന്ന് അവര്‍ അവിടെയെത്തിയപ്പോള്‍ പെൺകുട്ടി സംഭവം മുഴുവൻ വിവരിച്ചു.
ഇരയുടെ പിതാവ് നൽകിയ പരാതിയുടെ അടിസ്ഥാനത്തിൽ നാല് പ്രതികൾക്കെതിരെ പോലീസ് എഫ്‌ഐആർ രജിസ്റ്റർ ചെയ്തിട്ടുണ്ട്. പ്രതികളിലൊരാളെ ചൊവ്വാഴ്ച അറസ്റ്റ് ചെയ്തു. ഇയാളെ കോടതിയില്‍ ഹാജരാക്കി റിമാന്‍ഡ് ചെയ്തു. മറ്റു മൂന്ന് പ്രതികളെ പിടികൂടാന്‍ അന്വേഷണം നടക്കുകയാണെന്നും പോലീസ് അറിയിച്ചു.
Post Your Comments