NewsBusiness

സ്വതന്ത്ര ഇന്ത്യ വാർഷിക ബജറ്റ് അവതരണം ആരംഭിച്ചതെന്ന്? ബജറ്റ് വരുന്നു; അറിയാം കുറച്ച് ബജറ്റ് ചരിത്രം

1869-ൽ ജെയിംസ് വിൽ‌സൺ ആണ് ഇന്ത്യയുടെ ആദ്യ ബജറ്റ് അവതരിപ്പിച്ചത്. 2019 ഫെബ്രുവരി ഒന്നിന് കേന്ദ്ര ബജറ്റ് അവതരിപ്പിക്കാനിരിക്കെ, ഇന്ത്യയുടെ സമ്പദ് വ്യവസ്ഥയെ സ്വാധീനിച്ച ചില ബജറ്റുകളിലേക്ക് ഒരെത്തിനോട്ടം.

1947: സ്വ ഇന്ത്യയുടെ ആദ്യ ധനകാര്യ മന്ത്രി ആർ.കെ ഷൺമുഖം ചെട്ടിയാണ് തന്ത്ര ഇന്ത്യയുടെ ആദ്യ ബജറ്റ് അവതരിപ്പിച്ചത്. ഈ ബജറ്റിലെ 46 ശതമാനം ചെലവുകളും പ്രതിരോധ വകുപ്പിനായി മാറ്റിവെക്കുകയായിരുന്നു.

1968: പീപ്പിൾസ് ബജറ്റ് എന്ന് വിശേഷിപ്പിക്കപ്പെടുന്ന ബജറ്റ് അവതരിപ്പിച്ചത് മൊറാർജി ദേശായി ആയിരുന്നു. എല്ലാ ഉൽപന്ന നിർമാതാക്കൾക്കും സെൽഫ്-അസെസ്‌മെന്റ് സംവിധാനം കൊണ്ടുവരിക വഴി ചരക്കുകളുടെ വില നിർണ്ണയം കൂടുതൽ എളുപ്പമാക്കി. ‘സ്പൗസ് അലവൻസ്’ എന്ന ടാക്സ് സേവിങ് സംവിധാനം നിർത്തലാക്കിയതും ഈ ബജറ്റിലാണ്.

1991: ഇന്ത്യൻ സമ്പദ് വ്യവസ്ഥയുടെ തലവര മാറ്റിമറിച്ച ബജറ്റായിരുന്നു മൻമോഹൻ സിംഗ് ധനകാര്യ മന്ത്രിയായിരുന്നപ്പോൾ അവതരിപ്പിച്ച ഈ ബജറ്റ്. ഉദാരവൽക്കരണം എന്ന പ്രധാന കാൽവെയ്പ്പ് പ്രഖ്യാപിച്ചത് ഈ ബജറ്റിലായിരുന്നു.

1997: പി. ചിദംബരം അവതരിപ്പിച്ച ഈ ബജറ്റിനെ ‘ഡ്രീം ബജറ്റ്’ എന്നാണ് വിശേഷിപ്പിക്കുന്നത്. വരാനിരിക്കുന്ന സാമ്പത്തിക പരിഷ്കാരങ്ങളുടെ ഒരു രൂപരേഖ ഇതിലൂടെ സർക്കാർ കൊണ്ടുവന്നു. ആദായ നികുതി നിരക്കുകൾ കുറച്ചു, കോർപറേറ്റ് ടാക്‌സിലെ സർചാർജ് ഒഴിവാക്കി, കള്ളപ്പണം തടയാൻ സ്കീം രൂപീകരിച്ചു തുടങ്ങിയവ ഇതിന്റെ പ്രത്യേകതകളാണ്.

2000: ഇന്ത്യയെ സോഫ്റ്റ് വെയർ-ഐറ്റി ഹബ് ആക്കി മാറ്റാൻ ലക്ഷ്യമിട്ടുള്ള ‘മില്ലെനിയം ബജറ്റ്’ ആണ് യശ്വന്ത് സിൻഹ അവതരിപ്പിച്ചത്. സോഫ്റ്റ് വെയർ കയറ്റുമതി ചെയ്യാമെന്ന ആശയം ഉദയം കൊണ്ടത് ഇതിലൂടെയായിരുന്നു.

2005: തൊഴിലുറപ്പ് പദ്ധതി, ആർടിഐ എന്നിവ പ്രഖ്യാപിച്ച പി. ചിദംബരത്തിന്റെ ഈ ബജറ്റ് ‘ആം ആദ്‌മി’ ബജറ്റ് എന്നാണ് അറിയപ്പെടുന്നത്. കോപ്പറേറ്റ് നികുതി നിരക്കുകൾ, കസ്റ്റംസ് തീരുവ എന്നിവ കുറച്ചതും ഈ വർഷമാണ്.

2008: പി. ചിദംബരം അവതരിപ്പിച്ച ഈ വർഷത്തെ ബജറ്റിലാണ് പൂർണമായി കാർഷികകടം എഴുതിത്തള്ളിയത്. 60,000 കോടി രൂപയുടെ കാർഷിക കടാശ്വാസ പദ്ധതിയാണ് ഇതിൽ പ്രഖ്യാപിച്ചത്.

മോദിയുടെ ബജറ്റ് പരിഷ്‌കാരങ്ങൾ

പ്രധാനമന്ത്രിയായ ശേഷം നരേന്ദ്രമോദി നിർണ്ണായകമായ മാറ്റങ്ങളാണ് ബജറ്റ് അവതരണത്തിൽ കൊണ്ടുവന്നത്. അവയിൽ ചിലത്:

ജനറൽ ബജറ്റും റെയിൽവേ ബജറ്റും ഒരുമിച്ചുചേർത്തു. ഫെബ്രുവരി അവസാന ദിവസമായിരുന്നു ബജറ്റ് അവതരിപ്പിച്ചിരുന്നത്. അത് ഫെബ്രുവരി ആദ്യ ദിവസം എന്നാക്കി മാറ്റി. വേണമെങ്കിൽ ഇരുന്നും ബജറ്റ് അവതരിപ്പിക്കാൻ മന്ത്രിക്ക് അനുവാദം നൽകിയിട്ടുണ്ട്.

Tags

Related Articles

Post Your Comments


Back to top button
Close
Close