പെണ്‍കുട്ടിയെ ബലാത്സംഗം ചെയ്യാന്‍ ശ്രമം: രണ്ട് പെണ്‍കുട്ടികള്‍ക്കെതിരെ കേസ്

അഹമ്മദാബാദ്•ഒരു അപൂർവ കേസിൽ, ഒരു പെണ്‍കുട്ടിയെ ബലാത്സംഗം ചെയ്യാന്‍ ശ്രമിച്ചതിന് രണ്ട് പ്രായപൂര്‍ത്തിയാകാത്ത പെണ്‍കുട്ടികള്‍ക്കെതിരെ കേസെടുത്തു. എന്നാല്‍, ഇരയ്ക്ക് മാനസിക സ്ഥിരത ഇല്ലാത്തതിനാലും പോക്സോ കോടതിയിൽ ഹാജരാക്കാൻ കഴിയാത്തതിനാലും ആരോപണവിധേയരായ പെണ്‍കുട്ടികളെ കോടതി കുറ്റവിമുക്തരാക്കി.

2017 ജൂണിൽ ഒഡാവിലെ വനിതാ ഷെൽട്ടർ ഹോം കോമ്പൗണ്ടിനുള്ളിൽ സ്ഥിതിചെയ്യുന്ന പെൺകുട്ടികൾക്കുള്ള കുട്ടികളുടെ വീട്ടിൽ വെച്ചാണ് സംഭവം. വസ്ത്രങ്ങൾ മാറ്റുമ്പോഴെല്ലാം വീട്ടിലെ മറ്റ് മൂന്ന് അന്തേവാസികള്‍ തന്നെ ഉപദ്രവിച്ചതായി 2017 ജൂൺ 22 ന് ഒരു പെൺകുട്ടി സൂപ്രണ്ടിനോട് പരാതിപ്പെട്ടു. പെൺകുട്ടികൾ സ്വകാര്യ ഭാഗങ്ങളിലേക്ക് വിരലുകൾ തിരുകിയതായും തന്നെ പീഡിപ്പിച്ചതായും പെൺകുട്ടി പരാതിപ്പെട്ടു. പെൺകുട്ടികൾ നേരത്തെ തന്നെ ശാരീരികമായി പീഡിപ്പിച്ചതായും ഗർഭം ധരിക്കുമെന്ന് ഭീഷണിപ്പെടുത്തിയതായും പെണ്‍കുട്ടി ആരോപിച്ചു.

തുടര്‍ന്ന് ഷെൽട്ടർ ഹോം അധികൃതർ നടത്തിയ അന്വേഷണത്തില്‍, പെണ്‍കുട്ടി തങ്ങളുടെ മുന്നിലെത്തുന്നതിന് മൂന്ന് ദിവസം മുന്‍പാണ്‌ സംഭവം നടന്നതെന്ന് കണ്ടെത്തി. കുറ്റകൃത്യം മഹില പോലീസ് സ്റ്റേഷനിൽ (ഈസ്റ്റ്) റിപ്പോർട്ട് ചെയ്യുകയും മൂന്ന് ജുവനൈൽ പെൺകുട്ടികളിൽ രണ്ട് പേർക്കെതിരെ എഫ്‌ഐആർ രജിസ്റ്റർ ചെയ്യുകയും ചെയ്തു. ബലാൽസംഗത്തിന് ഐപിസി സെക്ഷൻ 376 പ്രകാരമാണ് പെണ്‍കുട്ടികള്‍ക്കെതിരെ കേസ് രജിസ്റ്റര്‍ ചെയ്തത്.

പ്രതികളായ പെൺകുട്ടികളിലൊരാളെ ഈ സംഭവത്തിന് ശേഷം വഡോദര ജുവനൈൽ ഹോമിലാണ് പാർപ്പിച്ചത്.

കുറ്റാരോപിത സ്കീസോഫ്രീനിയയ്ക്ക് ചികിത്സയിലായിരുന്നു

അഭയകേന്ദ്രത്തിൽ നിരവധി ലൈംഗിക കുറ്റകൃത്യങ്ങളില്‍ പങ്കുണ്ടെന്ന് കണ്ടതിനെത്തുടര്‍ന്ന് അവള്‍ക്ക് ജാമ്യം ലഭിച്ചില്ല. രണ്ടാമത്തെ പെണ്‍കുട്ടിയെ ജാമ്യത്തില്‍ വിട്ടു.

പ്രായപൂര്‍ത്തിയാകാത്ത കുറ്റവാളികളെ സിറ്റി സെഷൻസ് കോടതിയിലെ പ്രത്യേക പോക്സോ കോടതിയിൽ വിചാരണ ചെയ്തു. ഇരയും സ്കീസോഫ്രീനിയ എന്ന മാനസികരോഗം ബാധിച്ച ആളായതിനാല്‍, സിആർ‌പി‌സിയിലെ സെക്ഷൻ 164 പ്രകാരം ജുഡീഷ്യൽ മജിസ്‌ട്രേറ്റിന് മുമ്പാകെ രേഖപ്പെടുത്തിയ മൊഴിയാണ് വിചാരണക്കോടതിയിൽ ഹാജരാക്കിയത്.

വിചാരണ വേളയിൽ, ഇര മാനസികമായി അസ്ഥിരയാണെന്നും സ്കീസോഫ്രെനിക് ആക്രമണമുണ്ടായപ്പോഴെല്ലാം മാനസിക ആശുപത്രിയിലേക്ക് കൊണ്ടുപോകേണ്ടി വന്നിരുന്നുവെന്നുള്ള വസ്തുത ചൂണ്ടിക്കാട്ടിയാണ് പ്രതിഭാഗം പ്രതിരോധിച്ചത്.

വിചാരണ പൂർത്തിയായ ശേഷം ജനുവരി 16 ന് അഡീഷണൽ സെഷൻസ് ജഡ്ജി പി സി ജോഷി ബലാത്സംഗക്കുറ്റം ചുമത്തിയ രണ്ട് പെൺകുട്ടികളെയും കുറ്റവിമുക്തരാക്കി. തെളിവുകൾ വിശകലനം ചെയ്ത ശേഷം ഇരയ്ക്ക് മാനസികരോഗം ബാധിച്ചിട്ടുണ്ടെന്നും ഒരു വാചകം പോലും ശരിയായി സംസാരിക്കാൻ കഴിയില്ലെന്നും കോടതി വ്യക്തമാക്കി.

കോടതിയിൽ സാക്ഷ്യം നൽകാൻ അവൾ യോഗ്യനല്ലെന്നും അതിനാൽ സിആർ‌പി‌സിയിലെ സെക്ഷൻ 164 പ്രകാരമുള്ള മൊഴിയെ സത്യവാങ്‌മൂലമായി കണക്കാക്കാമെന്ന് മെഡിക്കല്‍ സര്‍ട്ടിഫിക്കറ്റ് വ്യക്തമാക്കിയിരുന്നു. എന്നാല്‍ പെണ്‍കുട്ടിയുടെ പ്രസ്താവനയിൽ പ്രതിയുടെ പേരുകൾ പരാമർശിക്കുകയോ അവർ അവളോട് ചെയ്തതെന്തെന്ന് വിവരിക്കുകയോ ചെയ്തിട്ടില്ല. ഇര 18 വയസ്സിന് താഴെയാണെന്ന് പ്രോസിക്യൂഷന് തെളിയിക്കാനും കഴിഞ്ഞില്ല.