Life Style

പ്രായം തോന്നിയ്ക്കാതിരിയ്ക്കാന്‍ ഈ ഭക്ഷണങ്ങള്‍ കഴിയ്ക്കാം

ഓരോ പ്രായത്തിലും കഴിക്കേണ്ട ആഹാരങ്ങള്‍ വ്യത്യസ്തമാണ്. ചില ഭക്ഷണങ്ങള്‍ നിര്‍ബന്ധമായും കഴിക്കുകയും ചിലത് ഒഴിവാക്കുകയും വേണം…ആരോഗ്യശീലങ്ങള്‍ കാത്തുസൂക്ഷിക്കുന്നതില്‍ മലയാളി സ്ത്രീകള്‍ അല്‍പ്പം പിറകോട്ടാണെന്നുതന്നെ പറയാം.

വീട്ടില്‍ ഭര്‍ത്താവിനും മക്കള്‍ക്കും വയറുനിറയാനുളള ഭക്ഷണങ്ങള്‍ തയാറാക്കിവച്ച് അവര്‍ കഴിക്കട്ടെ എന്ന് വിചാരിക്കുന്നവരാണ് നമ്മുടെ നാട്ടിലെ ഭൂരിഭാഗം സ്ത്രീകളും.

15 മുതല്‍ 30 വയസുവരെയുള്ള കാലം എത്രത്തോളം പ്രാധാന്യമുള്ളതാണോ അതുപോലെതന്നെ പ്രധാനപ്പെട്ടതാണ് 30 വയസിന് ശേഷമുള്ള കാലവും. ഈ കാലയളവിലും വേണ്ടത്ര പോഷകമൂല്യമുള്ള ഭക്ഷണം കഴിക്കേണ്ടത് അത്യാവശ്യമാണ്.

വീട്ടിലെ ഉത്തരവാദിത്വങ്ങള്‍, മാനസിക പിരിമുറക്കങ്ങള്‍ ഇവയൊക്കെ ആഹാരത്തോടുതന്നെ വിരക്തിയുണ്ടാക്കുന്ന കാര്യങ്ങളായി മാറി. ചിലരില്‍ കൃത്യമായ ഭക്ഷണവും വ്യായാമവുമില്ലാതെ കൊഴുപ്പടിഞ്ഞുകൂടി അമിതവണ്ണവും രോഗങ്ങളുമുണ്ടാകും.

നാം ഓരോരുത്തരും ചെയ്യുന്ന ജോലികള്‍ക്കനുസരിച്ച് ശരീരത്തിനാവശ്യമായ പോഷകഘടകങ്ങളും ശരീരത്തിന് ലഭിക്കേണ്ടതുണ്ട്. പ്രായം വര്‍ധിക്കുംതോറും ആവശ്യമുള്ള പോഷകഘടകങ്ങളും അവയുടെ അളവും മാറിക്കൊണ്ടേയിരിക്കും.

എന്ത് ഭക്ഷണം കഴിക്കണം, എത്ര അളവില്‍ കഴിക്കണം, ഏതൊക്കെ ആഹാരങ്ങള്‍ ഭക്ഷണത്തില്‍നിന്ന് ഒഴിവാക്കണം എന്നിങ്ങനെ ധാരാളം കാര്യങ്ങള്‍ കണക്കിലെടുത്താണ് ഭക്ഷണകാര്യങ്ങള്‍ ക്രമീകരിക്കേണ്ടത്.

അന്നജം മാംസ്യം, കൊഴുപ്പ്, വിറ്റാമിനുകള്‍, ലവണങ്ങള്‍, ജലം, ഇവയെല്ലാം ശരീരത്തിന് ആവശ്യമുള്ള ഘടകങ്ങളാണ്.

ആരോഗ്യത്തിന് വേണ്ടാത്തവ

പഞ്ചസാര, എണ്ണ, ഉപ്പ് ഇവയെല്ലാം ആവശ്യത്തില്‍ കൂടുതലായാല്‍ അത് ദോഷമാണ്. പഞ്ചസാര ശരീരത്തിന് ഒരു ആവശ്യവുമില്ലാത്ത ഘടകമാണെന്നറിയുക. രുചിയ്ക്കുവേണ്ടിമാത്രം ഭക്ഷണത്തില്‍ ഉള്‍പ്പെടുത്തുന്നവയാണിവ. ഉദാഹരണത്തിന് പത്തു ഗ്രാം പഞ്ചസാരയില്‍നിന്ന് 45 കലോറി യാണുള്ളത് അപ്പോള്‍ ഇടയ്ക്കിടയ്ക്ക് ചായ കുടിക്കുന്ന ആളാണെങ്കില്‍ പറയുകയും വേണ്ട.

അതുപോലെ എണ്ണയും നെയ്യും, ബട്ടറും പോലെയുള്ളവയുടെ ഉപയോഗവും പരമാവധി കുറയ്ക്കുവാന്‍ ശ്രദ്ധിക്കണം. ബീഫ്, പോര്‍ക്ക് , ആട് തുടങ്ങിയവയുടെ ഇറച്ചി ഒഴിവാക്കി പകരം കോഴിയിറച്ചി തൊലിനീക്കി ഉപയോഗിക്കാം. കൊഴുപ്പുകൂടുതലുള്ള ചെമ്മീന്‍, ഞണ്ട് പോലെയുള്ള മത്സ്യങ്ങള്‍ക്ക് പകരം ചെറുമീനുകള്‍ ഉപയോഗിക്കുക. മുട്ട ആഴ്ചയില്‍ ഒന്നോ രണ്ടോ മാത്രം കഴിക്കാം.

ഉപ്പിന്റെ കാര്യത്തിലും കരുതല്‍ ആവശ്യമാണ്. ആരോഗ്യമുള്ള ഒരാള്‍ക്ക് 5, 6 ഗ്രാം ഉപ്പ് മതിയാകും. ഉപ്പിന്റെ അംശം കൂടുതലായി ചേരുന്ന ബേക്കറി പലഹാരള്‍, സംസ്‌കരിച്ച ഭക്ഷണപദാര്‍ഥങ്ങള്‍, ഇവയെല്ലാം ഒഴിവാക്കാം. ചായ, കാപ്പി , കൂള്‍ഡ്രിംഗ്‌സ് ഇവയുടെ ഉപയോഗം നിയന്ത്രിക്കുകയോ പൂര്‍ണ്ണമായി ഒഴിവാക്കുകയോ ചെയ്യാം.

ശരീരത്തിന് ആവശ്യം.

നമുക്കുവേണ്ട ഊര്‍ജത്തിന്റെ അന്‍പത് ശകതമാനം മുതല്‍ അറുപത് ശതമാനം വരെ അന്നജത്തില്‍നിന്നാണ് ലഭിക്കുന്നത്. പയറുവര്‍ഗ്ഗങ്ങള്‍, പരിപ്പുവര്‍ഗ്ഗങ്ങള്‍, പാല്‍, മുട്ട, ഇറച്ചി, മീന്‍ ഇവയില്‍നിന്നാണ് മാംസ്യം ലഭിക്കുന്നത്. ഇതും കൂടുതലായി ഉപയോഗിയ്ക്കാം

ഈസ്റ്റ് കോസ്റ്റ് ഡെയ്‌ലി വാർത്തകൾ ടെലഗ്രാമിൽ ലഭിക്കാൻ ഇവിടെ ക്ലിക്ക് ചെയ്യുക

Related Articles

Post Your Comments


Back to top button