Latest NewsNewsInternational

മ​നു​ഷ്യ​രെ​ക്കാ​ള്‍ കൂ​ടു​ത​ല്‍ വ​വ്വാ​ലു​ക​ള്‍; വ​വ്വാ​ലു​ക​ള്‍ അടക്കി വാഴുന്ന ചെ​റു​പ​ട്ട​ണ​ത്തി​ല്‍ ജ​ന​ജീ​വി​തം ദു​സ​ഹ​മാ​കുന്നു

ക്വീ​ന്‍​സ്ലാ​ന്‍​ഡ്: വ​വ്വാ​ലു​ക​ള്‍ അടക്കി വാഴുന്ന ഓ​സ്‌​ട്രേ​ലി​യ​യി​ലെ ചെ​റു​പ​ട്ട​ണ​ത്തി​ല്‍ ജ​ന​ജീ​വി​തം ദു​സ​ഹ​മാ​കുന്നു. മ​നു​ഷ്യ​രെ​ക്കാ​ള്‍ കൂ​ടു​ത​ല്‍ വ​വ്വാ​ലു​ക​ള്‍ താ​മ​സിക്കുന്ന സ്ഥലമാണ് ഇത്. ക്വീ​ന്‍​സ്ലാ​ന്‍​ഡ് സം​സ്ഥാ​ന​ത്തെ ഇം​ഗ്ഹാം പ​ട്ട​ണ​ത്തി​ലാ​ണ് സം​ഭ​വം. മു​പ്പ​തി​നാ​യി​ര​ത്തി​ല​ധി​കം വ​വ്വാ​ലു​ക​ളാ​ണ് പ​ട്ട​ണ​ത്തി​ല്‍ വി​ഹ​രിച്ചിരി​ക്കു​ന്ന​ത്.

വീ​ടി​നു പു​റ​ത്തു​പോ​ലും ഇ​റ​ങ്ങാ​ന്‍​പ​റ്റാ​ത്ത അ​വ​സ്ഥ​യി​ലാ​ണ് തങ്ങള്‍ ക​ഴി​യു​ന്ന​തെ​ന്ന് ചൂ​ണ്ടി​ക്കാ​ട്ടി പ​ട്ട​ണ​വാ​സി​ക​ള്‍ പ​രാ​തി​യു​മാ​യി രം​ഗ​ത്തെ​ത്തി​യി​ട്ടു​ണ്ട്. അ​തേ​സ​മ​യം, വം​ശ​നാ​ശ​ഭീ​ഷ​ണി നേ​രി​ടു​ന്ന ജീ​വി​ക​ളു​ടെ പ​ട്ടി​ക​യി​ലു​ള്ള​തി​നാ​ല്‍ വ​വ്വാ​ലു​ക​ളെ കൊ​ല്ലാ​ന്‍ അ​ധി​കൃ​ത​ര്‍​ക്കു ക​ഴി​യി​ല്ല.

കൊറോണ വൈറസിന്റെ വാഹകർ വവ്വാല്‍ തന്നെയെന്ന് സ്ഥിരീകരിച്ചിട്ടുണ്ട്. ലോകത്തെ പ്രധാനലാബുകളില്‍ 24 മണിക്കൂറും പരീക്ഷണങ്ങൾ തുടരുകയാണ്. ചൈനയില്‍ പടര്‍ന്നുപിടിച്ച വൈറസ് പാമ്ബുകളില്‍നിന്നാണ് പടര്‍ന്നതെന്നായിരുന്നു ആദ്യം സംശയിച്ചിരുന്നത്. എന്നാല്‍, അത് വവ്വാലുകളില്‍ നിന്നുതന്നെയാണെന്നാണ് ഇപ്പോള്‍ ശാസ്ത്രലോകം പറയുന്നത്.

വുഹാനിലെ സീഫുഡ് മാര്‍ക്കറ്റില്‍ യഥേഷ്ടം ലഭിക്കുന്നതാണ് വവ്വാലുകള്‍. ചൈനക്കാര്‍ അതിനെ ഭക്ഷണമാക്കാറുണ്ട്. ഇവയില്‍നിന്നാവാം ആദ്യം വൈറസ് മനുഷ്യനിലേക്ക് പടര്‍ന്നതെന്നും നാഷണല്‍ കീ റിസര്‍ച്ച്‌ ആന്‍ഡ് ഡെവലപ്മെന്റ് പ്രോഗ്രാം ഓഫ് ചൈന, ഷാന്‍ഡോങ് ഫസ്റ്റ് മെഡിക്കല്‍ യൂണിവേഴ്സിറ്റി, ചൈനീസ് അക്കാദമി ഓഫ് സയന്‍സസ്, നാഷണല്‍ മേജര്‍ പ്രോജക്‌ട് ഫോര്‍ കണ്‍ട്രോള്‍ ആന്‍ പ്രിവന്‍ഷന്‍ ഓഫ് ഇന്‍ഫെക്ഷ്യസ് ഡിസീസ് ഇന്‍ ചൈന എന്നിവയിലെ വിദഗ്ധര്‍ പറയുന്നു.

പുതിയ പഠനവിവരങ്ങളനുസരിച്ച്‌ വൈറസിന്റെ ഉറവിടം വവ്വാലാണെന്ന് ചൈനീസ് സെന്റര്‍ ഫോര്‍ ഡിസീസ് കണ്‍ട്രോള്‍ ആന്‍ഡ് പ്രിവന്‍ഷനിലെ പ്രൊഫസര്‍ ഗ്വിഷെന്‍ വു പറഞ്ഞു. വവ്വാലില്‍നിന്ന് പടര്‍ന്ന, സാര്‍സിന് കാരണമായ രണ്ട് കൊറോണ വൈറസുകളോട് സമാനമായവയാണ് വുഹാനിലെ രോഗികളില്‍ കണ്ടതെന്നും അദ്ദേഹം കൂട്ടിച്ചേര്‍ത്തു.

വുഹാനില്‍ കണ്ടെത്തിയ വൈറസിന്‍റെ ജനിതകഘടന മുമ്ബ് കണ്ടെത്തിയ കൊറോണ വൈറസുകളുടേതിന് സമാനമാണ്. അവയുടെ ഉറവിടം വവ്വാലുകളായിരുന്നെന്ന് ഇക്കോഹെല്‍ത്ത് അലയന്‍സ് പ്രസിഡന്‍റ് ഡോ. പീറ്റര്‍ ഡസാക്ക് പറഞ്ഞു. സാര്‍സ്, മെര്‍സ്, റാബീസ്, നിപ തുടങ്ങിയ രോഗങ്ങളുടെയും ഉറവിടം വവ്വാലുകളായിരുന്നു.

shortlink

Related Articles

Post Your Comments

Related Articles


Back to top button