Latest NewsKeralaNews

മന്ത്രി തോമസ് ഐസക് സർ സിപിയേക്കാൾ വലിയ ഏകാധിപതിയാണെന്ന് സിപിഐ

ആലപ്പുഴ: ധനമന്ത്രി തോമസ് ഐസക് സർ സിപിയേക്കാൾ വലിയ ഏകാധിപതിയാണെന്ന് സിപിഐ. തോമസ് ഐസക്കിനെതിരെ സി പി ഐയുടെ വിമർശനം ചർച്ചയായിരിക്കുകയാണ്. ഏകാധിപതി പ്രസ്‌താവന നടത്തിയത് സിപിഐ ആലപ്പുഴ ജില്ലാ സെക്രട്ടറി ടി.ജെ ആഞ്ചലോസ് ആണ്. കയർ കേരള പ്രഹസനമാണെന്നും തൊഴിലാളികളുടെ പ്രതിസന്ധി പരിഹരിക്കാൻ മേളക്കായിട്ടില്ലെന്നും ആഞ്ചലോസ് വ്യക്തമാക്കി.

മന്ത്രി ഫേസ് ബുക്ക് ലൈക്ക് നോക്കി ആനന്ദം കണ്ടെത്തുന്നതല്ലാതെ കയർ മേഖലയിലെ പ്രശ്നങ്ങൾ പരിഹരിക്കപെടുന്നില്ലെന്നും സിപിഐ ആരോപിക്കുന്നു. കയർ ഉത്പന്നങ്ങൾ കൂട്ടിയിട്ട് കത്തിച്ചുള്ള പ്രതിഷേധത്തിന് പിന്നാലെയാണ് ആഞ്ചലോസിന്റെ വിമർശനം. ധനവകുപ്പും റവന്യൂ വകുപ്പും തമ്മിലുള്ള ശീതസമരത്തിനിടയിലാണ് ആലപ്പുഴയിൽ നിന്നും മന്ത്രി തോമസ് ഐസക്കിനെതിരെ സിപിഐ ജില്ലാ നേതൃത്വം പരസ്യവിമർശനവുമായി രംഗത്തെത്തിയത്.

ALSO READ: കേ​ര​ള പോ​ലീ​സി​ന്‍റെ ഡി​ജി​റ്റ​ല്‍ ട്രാ​ഫി​ക് എ​ന്‍​ഫോ​ഴ്സ്മെ​ന്‍റ് പ​ദ്ധ​തി​യു​ടെ ടെ​ന്‍​ഡ​ര്‍ റ​ദ്ദാ​ക്കി; പ്രത്യേക നടപടിയുടെ കാരണം ഇങ്ങനെ

തൊഴിലാളി സംഘടനകളുടെ പ്രതിഷേധത്തിന് പിന്നാലെ സിപിഐ ജില്ലാ സെക്രട്ടറി തന്നെ വിമർശനവുമായി രംഗത്തെത്തിയത് സംസ്ഥാന നേതൃത്വത്തിന്റെ അറിവോടെയെന്നാണ് സൂചന. പ്രതിപക്ഷം കയർ കേരളക്കെതിരെ ഉയർത്തിയ വിമര്ശനങ്ങൾ തന്നെയാണ് സിപിഐയും ഉയർത്തുന്നത്.

shortlink

Related Articles

Post Your Comments

Related Articles


Back to top button