CricketLatest NewsNewsSports

ധോണിയുടെ ഗംഭീര തിരിച്ചു വരവ് ; അഞ്ച് ബോളുകള്‍ തുടര്‍ച്ചയായി അതിര്‍ത്തി കടത്തി ; വീഡിയോ കാണാം

ഐപിഎല്ലിന് മുന്നോടിയായി പരിശീലനം ആരംഭിച്ച ധോണി താന്‍ മികച്ച ഫോമിലാണെന്ന് തെളിയിച്ചു. പരിശീലനത്തിനിടെ തുടര്‍ച്ചയായി അഞ്ച് പന്തുകളാണ് ധോണി അതിര്‍ത്തി കടത്തിയത്. ചെന്നൈ സൂപ്പര്‍ കിംഗ്‌സിന്റെ സ്വന്തം തലയുടെ തുടര്‍ച്ചയായി അഞ്ച് സിക്‌സുകള്‍ അടിക്കുന്ന വീഡിയോ സ്റ്റാര്‍ സ്‌പോര്‍ട്‌സിന്റെ തമിഴ് ട്വിറ്റര്‍ അക്കൗണ്ടാണ് പുറത്തുവിട്ടത്.

ആരുടെ പന്തിലാണ് ധോണി സിക്‌സുകള്‍ തുടര്‍ച്ചയായി അടിക്കുന്നത് എന്ന് വ്യക്തമല്ലെങ്കിലും താരം മികച്ച ഫോമിലാണെന്ന് തെളിയിക്കുന്നതാണ് പുറത്തുവന്ന വീഡിയോ. കഴിഞ്ഞ ലോകകപ്പ് സെമി ഫൈനലില്‍ ന്യൂസിലാന്‍ഡിനോട് ഇന്ത്യ തോറ്റതിന് ശേഷം ധോണി ഇന്ത്യക്ക് വേണ്ടി കളിച്ചിട്ടില്ല.

ഈ വര്‍ഷം ഇന്ത്യന്‍ പ്രീമിയര്‍ ലീഗില്‍ ചെന്നൈ സൂപ്പര്‍ കിങ്‌സിന് വേണ്ടി മികച്ച പ്രകടനം പുറത്തെടുത്ത് ട്വന്റി20 ലോകകപ്പിനുള്ള ഇന്ത്യന്‍ ടീമില്‍ ഇടം കണ്ടെത്താനാവും ധോണിയുടെ ശ്രമം. എന്തായാലും ഒരു വര്‍ഷം കളികളത്തില്‍ നിന്നും മാറി നിന്നിട്ടും തനിക്ക് ഫോം നഷ്ടപ്പെട്ടിട്ടില്ലെന്ന് തല തെളിയിച്ചു കഴിഞ്ഞു.

ഈസ്റ്റ് കോസ്റ്റ് ഡെയ്‌ലി വാർത്തകൾ ടെലഗ്രാമിൽ ലഭിക്കാൻ ഇവിടെ ക്ലിക്ക് ചെയ്യുക

Related Articles

Post Your Comments


Back to top button