ഒമാനിൽ കോവിഡ് സ്ഥിരീകരിക്കുന്ന വിദേശികളുടെ എണ്ണം ഉയരുന്നു

മസ്കറ്റ് : ഒമാനിൽ കോവിഡ് സ്ഥിരീകരിക്കുന്ന വിദേശികളുടെ എണ്ണം ഉയരുന്നു. ഇന്ന് പുതുതായി 144പേർക്ക് കൂടി കോവിഡ്. ഇതിൽ 86 പേർ വിദേശികളും 58 പേർ ഒമാൻ സ്വദേശികളുമാണ്. ഇതോടെ രാജ്യത്ത് രോഗം ബാധിച്ചവരുടെ എണ്ണം 1410ലെത്തിയെന്നും, 238 പേര്‍ സുഖം പ്രാപിച്ചുവെന്നും ഒമാൻ ആരോഗ്യ മന്ത്രാലയം വാർത്ത കുറിപ്പിലൂടെ അറിയിച്ചു. രണ്ടു ഒമാൻ സ്വദേശികളും ഒരു മലയാളി ഉൾപ്പെടെ അഞ്ചു വിദേശികളുമടക്കം ഇതുവരെ രാജ്യത്ത് കോവിഡ് ബാധിച്ച് ഏഴു പേരാണ് മരണപ്പെട്ടിട്ടുള്ളത്.

സൗദിയിൽ കോവിഡ്-19 ബാധിച്ച് മരിച്ച ഇന്ത്യക്കാരുടെ എണ്ണം 10ആയി. കേരളം, തെലങ്കാന എന്നീ സംസ്ഥാനങ്ങളിൽ നിന്നു രണ്ടും മഹാരാഷ്ട്ര, യുപി എന്നിവിടങ്ങളിൽ നിന്നു മൂന്നു പേർ വീതവും ഇതുവരെ മരിച്ചതായി കോൺസുലേറ്റ്, എംബസി വൃത്തങ്ങൾ അറിയിച്ചു.ഏപ്രിൽ 4 ന് മദീനയിലെ സൗദി ജർമൻ ആശുപത്രിയിൽ മരിച്ച ഷെബ്‌നാസ് പാലക്കണ്ടിയിൽ (30), റിയാദിൽ മരിച്ച സഫ്‌വാൻ നടമ്മൽ എന്നിവരാണ് മരണപ്പെട്ട മലയാളികൾ.

Also read :ലോക്ക്ഡൗണ്‍ ഇളവ് : സര്‍വത്ര ആശയക്കുഴപ്പം; സ്വന്തം നാട് രാത്രിയിൽ ഹോട്സ്പോട്ടായത് അറിയാതെ നാട്ടുകാര്‍ തെരുവിലിറങ്ങി

തെലങ്കാന സ്വദേശികൾ : ഏപ്രിൽ 16 ന് മക്കയിലെ അൽ നൂർ ആശുപത്രിയിൽ മരിച്ച ഖാൻ അസ്മതുല്ല (65), ഏപ്രിൽ 18 ന് ജിദ്ദയിലെ കിങ് അബ്ദുല്ല മെഡിക്കൽ സെന്ററിൽ മരിച്ച മുഹമ്മദ് സാദിഖ് (54) എന്നിവർ. യുപി സ്വദേശികൾ : ഏപ്രിൽ 7 ന് ജിദ്ദയിലെ കിങ് അബ്ദുല്ല മെഡിക്കൽ കോംപ്ലക്സിൽ മരണപ്പെട്ട ബദ്‌റെ ആലം (41), ഏപ്രിൽ 18ന് മക്കയിലെ കിംഗ്‌ ഫൈസൽ ആശുപത്രിയിൽ മരിച്ച ബിൻലാദിൻ കമ്പനിയിലെ ഇലക്ട്രിക്കൽ എൻജിനിയർ ആയിരുന്ന മുഹമ്മദ് അസ്‌ലം ഖാൻ (51), ഏപ്രിൽ 8 ന് മക്കയിലെ ഹിറ ആശുപത്രിയിൽ മരിച്ച എംഡി ഫക്റെ ആലം (52) എന്നിവർ. എംഡി ഫക്റെ ആലം ഏപ്രിൽ 8 നു മരിച്ചിരുന്നെങ്കിലും കോൺസുലേറ്റിൽ ഏപ്രിൽ 19 നാണ് വിവരം ലഭിക്കുന്നത്. മഹാരാഷ്ട്ര സ്വദേശികൾ : ഏപ്രിൽ 15 ന് മദീന കിങ് ഫഹദ് ആശുപത്രിയിൽ മരിച്ച സുലൈമാൻ സയ്യിദ് (59), മദീനയിലെ അൽ ദാർ ആശുപത്രിയിൽ മരിച്ച ബർകത്ത് അലി അബ്ദുൽ ലത്തീഫ് ഫകീർ (63) ഏപ്രിൽ 18 ന് മദീനയിലെ അൽദാർ ആശുപത്രിയിൽ മരിച്ച തൗസീഫ് ബൽബാലെ (40) എന്നിവർ