മുംബൈ: മഹാരാഷ്ട്രയിൽ സുരക്ഷ ഉദ്യോഗസ്ഥന് കോവിഡ് സ്ഥിരീകരിച്ചതിനെത്തുടര്‍ന്ന് മന്ത്രി സ്വയം നിരീക്ഷണത്തിൽ പ്രവേശിച്ചു. മഹാരാഷ്ട്ര ഭവന വകുപ്പ് മന്ത്രി ജിതേന്ദ്ര അവാദ് ആണ് ആശുപത്രിയില്‍ പ്രവേശിച്ചത്.
മന്ത്രിക്ക് രോഗലക്ഷണങ്ങളുണ്ടോ എന്നത് ആശുപത്രി അധികൃതര്‍ വെളിപ്പെടുത്തിയിട്ടില്ല.മന്ത്രിയുടെ ആദ്യ കോവിഡ് പരിശോധനാഫലം നെഗറ്റീവായിരുന്നു. ചൊവ്വാഴ്ചയാണ് മരന്തിയെ മുലിന്ദിലുള്ള ഫോര്‍ട്ടിസ് ആശുപത്രിയില്‍ പ്രവേശിപ്പിച്ചത്. മുന്‍കരുതല്‍ നടപടിയായാണ് അദ്ദേഹത്തെ ആശുപത്രിയില്‍ പ്രവേശിപ്പിച്ചതെന്നും രണ്ടാംഘട്ട പരിശോധന നടത്തുമെന്നും അധികൃതര്‍ അറിയിച്ചു.
തന്റെ സുരക്ഷാ ഉദ്യോഗസ്ഥന് കോവിഡ് സ്ഥിരീകരിച്ചതിനെ തുടര്‍ന്ന് ജിതേന്ദ്ര ഏപ്രില്‍ 13 മുതല്‍ ഐസൊലേഷനിൽ കഴിയുകയായിരുന്നു. ആദ്യഫലം നെഗറ്റീവാണെന്ന് മന്ത്രി നേരത്തെ അറിയിച്ചിരുന്നു. മുമ്പ് കല്‍വയില്‍ നിന്നുള്ള എന്‍.സി.പി എം.എല്‍.എയാണ് ജിതേന്ദ്ര. മഹാരാഷ്ട്രയിലാണ് ഏറ്റവും കൂടുതല്‍ കോവിഡ് കേസുകള്‍ റിപ്പോര്‍ട്ട് ചെയ്തിട്ടുളളത്. ഇതുവരെ 6191 പേര്‍ക്കാണ് വൈറസ് ബാധ സ്ഥിരീകരിച്ചിട്ടുള്ളത്. 251 പേര് മരിക്കുകയും ചെയ്തു.
Post Your Comments