ബ്രിട്ടനി​ല്‍ കോ​വി​ഡ്​ ഏ​റ്റ​വും ഭീ​ക​ര​മാ​യി ബാ​ധി​ച്ച ന്യൂ​ന​പ​ക്ഷ സ​മൂ​ഹ​ങ്ങ​ളി​ല്‍ ഒ​ന്നാ​മ​ത്​ ഇ​ന്ത്യ​ന്‍ വം​ശ​ജ​ര്‍

ല​ണ്ട​ന്‍: ബ്രിട്ടനിൽ കൊറോണ വൈറസ് ബാധിച്ച് ന്യൂ​ന​പ​ക്ഷ സ​മൂ​ഹ​ങ്ങ​ളി​ല്‍ കൂടുതല്‍ മരിച്ചത് ​ഇ​ന്ത്യ​ന്‍ വം​ശ​ജ​ര്‍​ ആണെന്ന് റിപ്പോർട്ട്. ബ്രിട്ടനി​ല്‍ ഉ​ട​നീ​ള​മു​ള്ള വി​വി​ധ ആ​ശു​പ​ത്രി​ക​ളി​ലെ ക​ണ​ക്ക്​ ഇ​ക്കാ​ര്യം വ്യ​ക്ത​മാ​ക്കു​ന്ന​താ​ണ്. നാ​ഷ​ന​ല്‍ ഹെ​ല്‍​ത്ത്​ സ​ര്‍​വി​സ്​ (എ​ന്‍.​എ​ച്ച്‌.​എ​സ്) പു​റ​ത്തു​വി​ട്ട ക​ണ​ക്കു​പ്ര​കാ​രം, ഏ​പ്രി​ല്‍ 17 വ​രെ കോ​വി​ഡ്​ ബാ​ധി​ച്ച്‌​ ആ​ശു​പ​ത്രി​ക​ളി​ല്‍ മ​രി​ച്ച​ത്​ 13,918 പേ​രാ​ണ്. ഇ​തി​ല്‍ 16.2 ശ​ത​മാ​നം പേ​ര്‍ ഏ​ഷ്യ​ക്കാ​ര്‍ ഉ​ള്‍​പ്പെ​ടു​ന്ന ന്യൂ​ന​പ​ക്ഷ​ങ്ങ​ളാ​ണ്.

ഇ​ന്ത്യ​ന്‍ വം​ശ​ജ​രാ​ണ് ഇ​തി​ല്‍ മൂ​ന്ന്​ ശ​ത​മാ​നം പേ​ര്‍. തൊ​ട്ടു​പി​ന്നി​ല്‍ ക​രീ​ബി​യ​ക്കാ​രാ​ണ്. 2.9 ശ​ത​മാ​നം ക​രീ​ബി​യ​ന്‍ വം​ശ​ജ​ര്‍ മ​ര​ണ​ത്തി​ന്​ കീ​ഴ​ട​ങ്ങി. മ​രി​ച്ച പാ​കി​സ്​​താ​നി​ക​ളു​ടെ ശ​ത​മാ​നം 2.1 ആ​ണ്. ചി​ലയിടങ്ങളിൽ ഹൃ​ദ്രോ​ഗം, പ്ര​മേ​ഹം, ചി​ല വി​റ്റാ​മി​നു​ക​ളു​ടെ കു​റ​വ്​ തു​ട​ങ്ങി​യ​വ കൂ​ടു​ത​ലാ​ണെ​ന്നും അ​താ​കാം ഈ ​വ്യ​ത്യാ​സ​ത്തി​ന്​ കാ​ര​ണ​മെ​ന്നും വി​ദ​ഗ്​​ധ​ര്‍ ക​രു​തു​ന്നു. കൂ​ട്ട​മാ​യി താ​മ​സി​ക്കു​ന്നവര്‍ സാ​മൂ​ഹി​ക അ​ക​ലം പാ​ലി​ക്കാ​ത്ത​തും പ്ര​ശ്​​ന​മാ​യി ക​രു​തു​ന്നു.

കോ​വി​ഡ്​​മൂ​ലം യൂ​റോ​പ്യ​ന്‍ രാ​ജ്യ​ങ്ങ​ളി​ല്‍ മ​രി​ച്ച​വ​രി​ല്‍ പ​കു​തി​യും വൃ​ദ്ധ​സ​ദ​ന​ങ്ങ​ളി​ലു​ള്ള​വ​​രാ​ണെ​ന്ന്​ ലോ​കാ​രോ​ഗ്യ സം​ഘ​ട​ന (ഡ​ബ്ല്യു.​എ​ച്ച്‌.​ഒ) റീ​ജ​ന​ല്‍ ഡ​യ​റ​ക്​​ട​ര്‍ (യൂ​റോ​പ്) ഡോ. ​ഹാ​ന്‍​സ്​ ക്ലൂ​ഗ്​ പ​റ​ഞ്ഞു. ഇ​ത്​ സ​ങ്ക​ല്‍​പി​ക്കാ​നാ​കാ​ത്ത മാ​നു​ഷി​ക ദു​ര​ന്ത​മാ​ണെ​ന്ന്​ അ​ദ്ദേ​ഹം അ​ഭി​പ്രാ​യ​പ്പെ​ട്ടു.

വൃ​ദ്ധ​സ​ദ​ന​ങ്ങ​ളി​ല്‍ ജോ​ലി​ചെ​യ്യു​ന്ന​വ​രു​ടെ കാ​ര്യ​വും ക​ഷ്​​ട​മാ​ണ്. അ​വ​ര്‍ കൂ​ടു​ത​ല്‍ ജോ​ലി ചെ​യ്യേ​ണ്ടി​വ​രു​ന്ന​വ​രാ​ണ്. വേ​ണ്ട​ത്ര സു​ര​ക്ഷ സൗ​ക​ര്യ​ങ്ങ​ളി​​ല്ലാ​തെ​യാ​ണ്​ അ​വ​ര്‍ തൊ​ഴി​ലെ​ടു​ക്കു​ന്ന​ത്. അ​വ​രാ​ണ്​ ഈ ​രോ​ഗ​ചി​കി​ത്സ​ക്കാ​ല​ത്തെ ​താ​ര​ങ്ങ​ള്‍. അ​വ​ര്‍​ക്ക്​ എ​ല്ലാ സു​ര​ക്ഷ ഉ​പ​ക​ര​ണ​ങ്ങ​ളും ഒ​രു​ക്കേ​ണ്ട​ത്​ ന​മ്മു​ടെ ബാ​ധ്യ​ത​യാ​ണെ​ന്നും ക്ലൂ​ഗ്​ കൂ​ട്ടി​ച്ചേ​ര്‍​ത്തു.