ദുബായ് • ഐ.സി.സിയുടെ ഏറ്റവും പുതിയ ടെസ്റ്റ് റാങ്കിംഗില്‍ ഇന്ത്യയ്ക്ക് ഒന്നാം സ്ഥാനം നഷ്ടമായി. ഇന്ത്യയെ മറികടന്നു ഓസ്ട്രേലിയ ഒന്നാം സ്ഥാനതെത്തി. രണ്ടാം സ്ഥാനം ന്യൂസിലന്‍ഡ് നിലനിര്‍ത്തിയതോടെ ഇന്ത്യ ഇപ്പോള്‍ മൂന്നാം സ്ഥാനത്താണ്. 2016 ഒക്ടോബര്‍ മുതല്‍ ടെസ്റ്റില്‍ ഇന്ത്യ ഒന്നാം റാങ്കിലായിരുന്നു.
പുതിയ റാങ്കിംഗില്‍ ദക്ഷിണാഫ്രിക്കയ്ക്കാണ് ഏറ്റവും അധികം തിരിച്ചടി നേരിട്ടത്. എട്ട് പോയിന്‍റെ നഷ്ടമായ ദക്ഷിണാഫ്രിക്ക ആറാം സ്ഥാനത്തേക്ക് പിന്തള്ളപ്പെട്ടു.
റാങ്കിംഗില്‍ ഒന്നാം സ്ഥാനം നഷ്ടമായെങ്കിലും ഐ.സി.സിയുടെ ലോക ടെസ്റ്റ് ചാമ്പ്യന്‍ഷിപ്പില്‍ ഇന്ത്യ ബഹുദൂരം മുന്നിലാണ്. എന്നാല്‍ കോവിഡ് ഭീതി മൂലം നിരവധി പരമ്പരകള്‍ റദ്ദാക്കപ്പെട്ടതോടെ 2021-ല്‍ അവസാനിക്കേണ്ട ലോക ടെസ്റ്റ് ചാമ്പ്യന്‍ഷിപ്പ് അനിശ്ചിതത്വത്തിലാണ്.
ട്വന്‍റി-20 പട്ടികയിലും ഓസീസ് തന്നെയാണ് മുന്നില്‍. 2011-ല്‍ റാങ്കിംഗ് നിലവില്‍ വന്നശേഷം ആദ്യമായാണ് ഓസീസ് ട്വന്‍റി-20 റാങ്കിംഗില്‍ ഒന്നാം സ്ഥാനത്ത് എത്തുന്നത്. ഏകദിന റാങ്കിംഗില്‍ ഒഇംഗ്ലണ്ട് ന്നാം സ്ഥാനത്ത് തുടരുകയാണ്.
ട്വന്‍റി-20യില്‍ ഒരു സ്ഥാനം മെച്ചപ്പെടുത്തിയ ഇന്ത്യ മൂന്നാം സ്ഥാനത്ത് എത്തി. ഏകദിനത്തില്‍ ഇംഗ്ലണ്ടിന് പിന്നിലായി ഇന്ത്യ രണ്ടാം സ്ഥാനം നിലനിര്‍ത്തുകയും ചെയ്തു.
Post Your Comments