മഹാരാഷ്ട്ര നിയമസഭാ കൗൺസിൽ തെര‍ഞ്ഞെടുപ്പ് : തീയതി പ്രഖ്യാപിച്ചു

മുംബൈ : കോവിഡ് പ്രതിസന്ധിക്കിടെയും മഹാരാഷ്ട്രയിൽ നിയമസഭാ കൗൺസിൽ തെരഞ്ഞെടുപ്പ് തീയതി പ്രഖ്യാപിച്ചു. മെയ് നാലിന് തെരഞ്ഞെടുപ്പിനുള്ള വിജ്ഞാപനം പുറത്തിറങ്ങും. നാമനി‍ർദേശ പത്രികകൾ മെയ് 11 വരെ സമ‍ർപ്പിക്കാം.. മെയ് 12-നാണ് നാമനി‍ർദേശ പത്രികയുടെ സൂക്ഷമപരിശോധന നടത്തുക. മെയ് 14 വരെ നാമനി‍ർദേശ പത്രികകൾ പിൻവലിക്കാൻ സാധിക്കും. മെയ്-21 ന് രാവിലെ ഒൻപത് മുതൽ വൈകിട്ട് നാല് മണി വരെ വോട്ടെടുപ്പ്. വൈകിട്ട് അ‍ഞ്ച് മണിക്ക് വോട്ടെണ്ണൽ.

Also read : കൊവിഡ് ബാധിക്കുമെന്ന് ഭയന്ന് വീട്ടുകാർ ഗ്രാമത്തിലേക്ക് വരാൻ അനുമതി നിഷേധിച്ചു; ഇരുപതുകാരി ആത്മഹത്യയ്ക്ക് ശ്രമിച്ചു

മഹാരാഷ്ട്ര ലെജിസ്ലേറ്റീവ കൗൺസിൽ, മഹാരാഷ്ട്ര വിധാൻ സഭ എന്ന പേരിലാണ് അറിയപ്പെടുന്നത്. 78 അം​ഗ സംഭയിൽ 66 പേ‍ർ തെരഞ്ഞെടുപ്പിലൂടേയും ബാക്കിയുള്ളവർ സർക്കാർ താത്പര്യപ്രകാരം ​ഗവർണറുടെ നോമിനേഷൻ പ്രകാരവുമാണ് അം​ഗത്വം നേടുക. ആറ് വർഷമാണ് അം​ഗത്വ കാലാവധി.