Latest NewsNewsIndiaCrime

കാമുകിയെ കൊലപ്പെടുത്തി പെട്ടിയിലാക്കി ഫ്‌ളാറ്റില്‍ സൂക്ഷിച്ച ശേഷം കാമുകിയുടെ സുഹൃത്തായ യുവതിക്കൊപ്പം യുവാവ് കടന്നുകളഞ്ഞു

ഡെറാഢൂണ്‍ : ഉത്തരാഖണ്ഡിൽ ഒപ്പം താമസിച്ചിരുന്ന കാമുകിയെ കൊലപ്പെടുത്തിയ ശേഷം കാമുകിയുടെ സുഹൃത്തായ യുവതിക്കൊപ്പം യുവാവ് കടന്നുകളഞ്ഞു. ഹരിദ്വാറില്‍ താമസിച്ചിരുന്ന ബിഹാര്‍ സ്വദേശിയായ 26 കാരനാണ് കാമുകിയെ കൊന്ന് പെട്ടിയിലാക്കി ഫ്‌ളാറ്റില്‍ സൂക്ഷിച്ച ശേഷം കടന്നുകളഞ്ഞത്.

മധ്യപ്രദേശ് സ്വദേശിയുമായ 23 വയസ്സുകാരിയാണ് കൊല്ലപ്പെട്ടത്. പൂട്ടിയിട്ട ഫ്‌ളാറ്റില്‍നിന്ന് ദുര്‍ഗന്ധം വമിച്ചതോടെ അയല്‍ക്കാര്‍ പോലീസില്‍ പരാതി നല്‍കിയിരുന്നു. തുടര്‍ന്ന് പോലീസെത്തി ഫ്‌ളാറ്റില്‍ പരിശോധന നടത്തിയപ്പോഴാണ് വലിയ പെട്ടിക്കുള്ളില്‍ യുവതിയുടെ മൃതദേഹം കണ്ടെത്തിയത്.  വെള്ളിയാഴ്ച രാത്രിയോടെയാണ് യുവാവ് ഫ്‌ളാറ്റ് പൂട്ടി പോയതെന്നും അയല്‍ക്കാര്‍ പറഞ്ഞു. കാമുകിയുടെ സുഹൃത്തായ ഒരു യുവതിയെയും അന്നേദിവസം മുതല്‍ കാണാതായതായും അന്വേഷണത്തില്‍ കണ്ടെത്തി.

വെള്ളിയാഴ്ച രാത്രി ഫ്‌ളാറ്റില്‍നിന്ന് ഉച്ചത്തില്‍ പാട്ട് കേട്ടിരുന്നതായും അയല്‍ക്കാര്‍ മൊഴി നല്‍കിയിട്ടുണ്ട്. കാമുകിയെ കഴുത്ത് ഞെരിച്ച് കൊലപ്പെടുത്തുന്നതിനിടെ ബഹളമുണ്ടായാല്‍ ആരും ശ്രദ്ധിക്കാതിരിക്കാനാണ് ഉച്ചത്തില്‍ പാട്ട് വെച്ചതെന്നും പോലീസ് പറഞ്ഞു. സംഭവത്തില്‍ അന്വേഷണം തുടരുകയാണെന്നും ഇരുവരും എവിടെയാണെന്ന സൂചന ലഭിച്ചിട്ടുണ്ടെന്നും ഉടന്‍ അറസ്റ്റിലാകുമെന്നും പോലീസ് പറഞ്ഞു.

 

Tags

Related Articles

Post Your Comments


Back to top button
Close
Close