Latest NewsNewsKuwaitGulf

കോവിഡ് : കുവൈറ്റിൽ എട്ടു മരണം കൂടി, രോഗം സ്ഥിരീകരിച്ചവരുടെ എണ്ണം 25000കടന്നു

കുവൈറ്റ് സിറ്റി : കോവിഡ് ബാധിച്ച് എട്ടു പേർ കൂടി കുവൈറ്റിൽ തിങ്കളാഴ്ച്ച മരിച്ചു. കഴിഞ്ഞ 24 മണിക്കൂറിനുള്ളിൽ 3,664 പേരിൽ നടത്തിയ പരിശോധനയിൽ 156 ഇന്ത്യക്കാരുൾപ്പെടെ 719 പേർക്ക് രോഗം സ്ഥിരീകരിച്ചു. ഇതോടെ രാജ്യത്ത് കോവിഡ് ബാധിച്ച് മരിച്ചവരുടെ എണ്ണം 220ഉം, രോഗം സ്ഥിരീകരിച്ചവരുടെ എണ്ണം 27,762ഉം ആയതായി ആരോഗ്യ മന്ത്രാലയം വ്യക്തമാക്കി. കൂടാതെ കോവിഡ് സ്ഥിരീകരിച്ച ഇന്ത്യക്കാരുടെ ആകെ എണ്ണം 8446 ആയി. 1513പേർ കൂടി സുഖം പ്രാപിച്ചതോടെ രോഗമുക്തി നേടിയവരുടെ എണ്ണം 12899 ആയി. നിലവിൽ 14643 പേരാണ് ചികിത്സയിലുള്ളത്. പുതുതായി കോവിഡ് സ്ഥിരീകരിച്ച മുഴുവൻ പേർക്കും സമ്പർക്കത്തെ തുടർന്നാണ് രോഗം ബാധിച്ചത്.

സൗദിയിൽ കോവിഡ് ബാധിച്ച് 22പേർ കൂടി തിങ്കളാഴ്ച മരിച്ചു. മക്ക, ജിദ്ദ, ദമ്മാം, ബുറൈദ, തബൂക്ക് എന്നിവിടങ്ങളിലാണ് മരണം സംഭവിച്ചത്. പുതുതായി 1881 പേർക്ക് വൈറസ് ബാധ സ്ഥിരീകരിച്ചു. ഇതോടെ രാജ്യത്ത് കോവിഡ് ബാധിച്ച് മരിച്ചവരുടെ എണ്ണം 525ഉം, രോഗം സ്ഥിരീകരിച്ചവരുടെ ആകെ എണ്ണം 87142ഉം ആയതായി ആരോഗ്യമന്ത്രാലയം അറിയിച്ചു. 1,864 പേർ കൂടി സുഖം പ്രാപിച്ചതോടെ രോഗമുക്തി നേടിയവരുടെ എണ്ണം എണ്ണം 64306 ആയി ഉയർന്നു. നിലവിൽ 22312പേരാണ് രാജ്യത്തെ വിവിധ ആശുപത്രികളിലായി ചികിത്സയിലുള്ളത്.

Also read : കുവൈറ്റില്‍ മലയാളികള്‍ ഉള്‍പ്പെടെ 12,000 ത്തോളം അനധികൃത താമസക്കാര്‍ : കരിമ്പട്ടികയില്‍ ഉള്‍പ്പെടുത്താനൊരുങ്ങി മന്ത്രാലയം

ഒമാനിൽ 786 പേര്‍ക്ക് കൂടി തിങ്കളാഴ്ച്ച കോവിഡ് സ്ഥിരീകരിച്ചു. ഇതില്‍ 298 സ്വദേശികളും 488 പേര്‍ വിദേശികളുമാണ്. ഇതോടെ രാജ്യത്ത് കോവിഡ് സ്ഥിരീകരിച്ചവരുടെ എണ്ണം 12223ആയി. സുഖം പ്രാപിച്ചവരുടെ എണ്ണം 2682 ആയി ഉയർന്നു. രാജ്യത്ത് ഇതുവരെ അൻപത് പേരാണ് കോവിഡ് ബാധിച്ച് മരിച്ചത്. പുതിയ രോഗികളിൽ 608 പേരും മസ്​കത്ത്​ ഗവർണറേറ്റിൽ നിന്നുള്ളവരാണ്​. ഇതോടെ മസ്​കറ്റ് ​ ഗവർണറേറ്റിലെ കോവിഡ്​ ബാധിതരുടെ എണ്ണം 9256 ആയി. ഇവിടെ 1400 പേർക്ക്​ അസുഖം ഭേദമായി. 9491പേരാണ്​ നിലവിൽ ചികിത്സയിലുള്ളതെന്നു ഒമാന്‍ ആരോഗ്യ മന്ത്രാലയം വാര്‍ത്തകുറിപ്പിലൂടെ അറിയിച്ചു.

 ഖത്തറില്‍ രണ്ടു പേർ കൂടി തിങ്കളാഴ്ച്ച കോവിഡ് ബാധിച്ച മരിച്ചു. 50,58 വയസ്സുള്ളവരാണ് മരിച്ചത്. 1523 പേര്‍ക്ക് പുതുതായി രോഗം സ്ഥിരീകരിച്ചു, പുതിയ രോഗികളില്‍ കൂടുതലും പ്രവാസികള്‍ തന്നെയാണ്. ഇതോടെ രാജ്യത്ത് രോഗം ബാധിച്ച് മരിച്ചവരുടെ എണ്ണം 40ഉം, രോഗം സ്ഥിരീകരിക്കപ്പെട്ടവര്‍ 58,433ഉം ആയി. ഇതില്‍ 22 പേരെ കൂടി അത്യാഹിത വിഭാഗത്തിലേക്ക് മാറ്റിയിട്ടുണ്ട്. ആകെ 240 പേരാണ് നിലവില്‍ ഐസിയുവില്‍ കഴിയുന്നത്. അതേസമയം 3147 പേര്‍ കൂടി സുഖം പ്രാപിച്ചതോടെ രോഗം ഭേദമായവരുടെ എണ്ണം 33437 ആയി ഉയർന്നു.

Tags

Related Articles

Post Your Comments


Back to top button
Close
Close